PROFILE: Madalena de Jesus da Conceição Pereira Carlos

Ba edisaun ohin ita sei hatene klean feto bonita ho naran kompletu Madalena de Jesus da Conceição Pereira Carlos, fatin moris Maubisse, Timor-Leste, iha lron 27 fulan Setembru tinan 1959, oan primeiru husi maun alin nain 8, feto bonita ai fuan domin husi (saudosos) Francisco Alberto Carlos no Luisa Pereira Carlos, husi Kamalai.

Pozisaun agora husi fulan Novembru tinan 2017 to’o mai agora nuudar profisional Intérprete-Tradutora, no haknaar an iha iha Prezidensia Republika TL Francisco Guterres Lu Olo nia. Hanesan mos Vise Presidente FNBTL-Federação basketball Timor Leste.

Madalena harii ona uma kain ho Luís Francisco da Silva Sousa Pereira iha tinan 1981 husi domin neebe mak sira iha Maromak haraik ai fuan domin nain 6 kompostu husi feto 4 mane nain 2, sira adultus hotu ona, bei-oan 2.

Hobby husi feto interessante ida nee iha tempu uluk maka estuda no lee barak, tanba uluk divertimentu la barak, konsentra duni ba eskola, no gosta tebes desportu, liu – liu jinástika, ho halo parte Mocidade Portugueza, (kompara hanesan Pramuka indonesia nian), ou eskuteiru no ida nee halao to’o kompleta eskola primária.

 Nivel Estudu

Madalena hahú estuda SD (eskola primária), iha Maubisse iha tinan 1964, hatutan iha Hatolia, no termina iha koléjiu das Madres Canossianas Ermera. Kontinua SMP (siklu preparatoriu) iha Escola Técnica Prof. Silva Cunha Dili,  Curso Geral de Comércio e Industria Dili, equivalente SMA (Liceu) termina tiha iha 1974-75; hetan bolso de estudos atu ba kontinua iha Portugal, maibé ho mudansa politika Revolução dos Cravos iha Portugal tempu nebáa, la konsegue kontinua.  

Iha rejíme foun iha Timor, estuda tiha tinan ida resin iha Externato São José iha Balide. Maske ho idade kiik, nudar mos Bin Boot-Primeira filha ba Alin nain 8,  tenki servisu ajuda inan tanba aman Francisco Alberto Carlos, dadur no ba tiha foho-ailaran to’o 1978.

Servisu no esforsa estuda mesak, tanba uza ona  bahasa indonésia , iha desde tinan 1975. No maske hasai SMA – SMEA iha eskola tempu portugues nian, konkore ba bolsos de estudos, hodi  tuir mai ingresa / tama ba Universidade Católica Atmajaya Jakarta, nudar primeiro grupo bolseiros, hamutuk ema nain 22; maske estuda autodidatika/ mesak, ami nain 3 housi grupu 22 nebe maka liu uluk teste admisaun (sein kaer diploma SMA bahasa indonesia), no husi grupu admitidus uluk tama ba UNIKA Atmajaya Jakarta no hahúu tinan 1982 to’o remata tinan 1987, foti Gestão de Recursos Humanos. Depois periodu vakum tiha husi estuda, servisu iha Jakarta ona, iha Minstério dos Negócios Estrangeiros (tempu nebá nara Deplu), no kontinua fali estudu iha 2013 hodi konlui mestradu iha area hanesan, tinan 2015 antes de fila mai Timor Leste.” dehan nia.

Dezafius:

Eskola primáriato termina nivel SMA/SMEA, bele dehan kuaze la rejista dezafiu iha tempu neebá tanba métodu konvensional, seidauk iha teknolojia, nune’e iha nia tenke estuda makaas, no klasifikaun notas finais maka sai sasukat  ba estudante ni nivel de intelijensia. Núdar oan boot iha familia, dezafiu maka, tenki komprova katak  tane áas dunik inan-aman nia esperansas no tenke hetan valor diak iha eskola. Konklui eskola primária, ho notas dispensada hosi exames. Uluk tenke halo ezame final kada tinan, maibe tanba ninia notas sempre diak, la halo ezame final aliás (dispensada) .

“Kontinua Escola sekundária-ciclo preparatório to’o fali eskola Técnica Prof. Silva Cunha Dili iha (edifisiu UNTL atual), esforsa makáas liu tan atu responde espektativas individual no familia nian, nomos tenk sai modelu ka ezemplu ba Alin nain 7 seluk; felizmente hau sempre hetan notas/valores/nilai diak no áas tebes (Iha tempu neebá wainhra taka lista hanesan pauta notas klasifikasaun final/rapor taka iha parede ba publiku no hau sempre naran iha Quandro de Honra (katak 3 besar alias hanesan juara ) ho nunee bebeik maka hau hetan dispensada hosi ezame final (bebas ujian akhir tahun) konta nia .

Nunee mos wainhira tama iha Universidade, iha parte ida ne’e mak dezafiu makaás tebes. Imajina deit, hasai nivel SMA ein portugues, depois tenki servisu tiha iha administrasaun Indonesian nian, maske laiha baze SMA ho lingua-bahasa indonesia, brani ba teste hadau bolsu de estudu no bele tama kedas iha Universidade UNIKA Atmajaya Jakarta. Universidade privada nia grau de estudus ríjidu, todan no ejizente tebes. Maibe tanba background (latar belakang) edukasaun portugueza diak, bele ultrapassa difikuldades, no esperiénsiadiak tebes maka nia durante aulas/kuliah nia hanoin ho ninia ideia iha lingua portuguesa, no tuir fali maka kuandu presiza espresa ba bahasa indonesia. Iha primerus anos esperiénsia iha universidade Atmajaya nee bele dehan katak úniku no interesante, hare ba maneira oinsa exprssa no formula respostas  ezame nian. Dosen kah professor sira bolu ba dehan nune’e, Madalena nunka estuda bahasa indonesia, maibé nusa maka responde perguntas-soal ezame ho linguajen ida ke terlalu tinggi nunee, maka Madalena responde katak liafuan ka terminolojia ne’ebé nia utiliza ba responde ka expressa nia resposta ne’e baibain hela eh normal iha hau nia SMA, tanba hau le barak, ho estrutura hanoin ba matéria ein portugues, maka tuir mai expresa ka hakerek ein bahasa indonesia.

Vantajen diak hosi hau nia rezultadu estudu anterior SMA/SMEA iha edukasaun portugueza. katak: Hanoin no ideias mai ho lian portugues, maka hakerek ba bahasa indonesia, no nune’e professor-dosen sira dehan “bahasanya terlalu tinggi tuk lulusan SMA“ Madalena haktuir nonia istoria ho orgulhu.

Tuir mai ita ba hatene klean konabá atividade ne’ebé mak feto bonita nee halao durante nee iha nia moris: 

Husi April  1995 too Novembru 1999, serbisu iha Gabinete Ministru Asuntus Estranjeirus, ho Ali Alatas- Ministro no iha Eskritóriu Embaixador Itineráriu ho “Tarefa Espesifiku” iha Jakarta, nunee mos Tutor/ba Peskiza Teknika iha Fundasaun Lorosae, nebe sai orientadora akadémika. Ba estudantes Timor oan, Finansia husi Departementu Asuntu Estranjeiru Republika Indonesia (Estudante Timor oan neebe namkari iha Jakarta, Surabaya, Lampung, Medan no Manado).

Husi Marsu 2000, Embaixada Portugal iha Jakarta, Tradutora no Asistente Tekniku ba Servisus Kultura, Kooperasaun & Humanitaria, no Arkivu Diplomatiku. Hahú tinan 2000 to’o2005, Dosente-Manorin Nain ba Lian  Portuguese, (Iha Sentru Dalen  Embassy’s-ICA no Universidade Katolika Atmadjaya Jakarta no mos  iha Faku;dade Ciencias Humanas iha UI-Unversidade Indonesia). Husi Tinan 2005 too 2015, iha Embaixada Portugal, hanesan Asistente Tekniku ba Servisus Divisaun Kultural,  Protokolu no Konsuladu ne’ebe hare kona ba Rejistu Sivil no Leis. Kobre mos Konsuladu Protesaun ba sidadaun Portugal iha Indonesia no Filipina. Interprete ofisial iha Embaixada Portugal, Jakarta. Husi  Novembru 2015 too 2021, hanesan tradutora dalen (Portugues- Ingles-(Vise Versa),  Spañol – Portugues- Dalen Indonesia-Portugues).

Nunee mos husi fulan Novembru tinan 2017 to’o mai agora pozisaun profisional Intérprete-Tradutora iha Prezidensia Republika TL nomos hala’o atividade sosial seluk hanesan Desporto – Vise Presidente FNBTL-Federação Basquetebol Timor Leste, EconomiaMembru ativa no Responsável ba Divisão Relações Externas, iha Departamento Empoderamento iha AEMTL-Associação Empresarial das Mulheres Timor Leste.

Antes de asumi kargu agora nee, halao uluk serbisu seluk  hahu servisu mak hanesan iha tinan 1995 -1999  Hanesan Asistente Tekniku ba  Embaixador  Republika Indonesia ho tarefa espesial ba Ministru Asuntu Estranjeiru -Sr. Ali Alatas, Tradutora Dalen Portugues ba Indonesia (vice-versa), Ingles -Portuguese (Vice-versa). Hanesan mos Tutor Akademiku ba Estudante Timor Oan iha Indonesia: Sumatera (Lampung, Medam, Manado) no Java. Nunee mos iha tinan 1994 – 1998 Manorin Nain Dalen Portugues no Tradutora ba Asosiasaun Amizade Indonesia ho Portugal-PPIP (Perhimpunan Persahabatan Indonesia-Portugal) iha Jakarta no ba konsellu Gestor  PPIP /Eskritório Sra. TuTut-SitiHaeduyanti Rukmana.

Nunee mos iha tinan 1982- 1988 Tradutora Dalen Portugues ba Indonesia (vice-versa), Portuguese-Ingles, (vice-versa): Iha Cicerone ba Federasaun Internasional Universidade Katolika-IFCU (International Federation of Catholic Universities) iha  Jakarta, iha okasiaun Asembleia Jeral ba at XVI.

1978-1980 Haknaar an iha Departementu Komunikasaun Sosial & Informasaun Rejional iha provinsia ba 27 (daruanulu resin hitu) hanesan Xefe ba Media no Publikasaun no mos Hanesan Xefe ba Projetu Feto Rural, 1977- 1978 Haknaar an hanesan Lokutora/Radiudifuzora ba Radiu Republika Indonesia (Radio Lorosae Temporaria) iha Dili durante tinan ida, nunee mos iha 1977 Haknaar an Hanesan Lokutira/Radiu radio eskuteiru (Pramuka), ho supervisaun husi Departementu ba Komunikasaun Sosial no Informasaun (Departemen Penerangan) iha Dili, iha tinan 1976 Haknaar an iha Governu Provisoriu Tmor-Timur (PSTT) Provisory Government of East Timor) iha seksaun Radiu no Filmes, Dili.

Nia mos hato’o mensajen ba joven sira atu bele kontinua estuda ba oin.

“Husu ba Joven sira, maske ohin loron ho progresu no avansu teknologia global sente eh iha inpresaun (berkesan) katak buat hotu instan deit, maibe intelejensia humana maka komanda vida no ema nia mouris atu sai kualidade eh lae. Nunee, estudu formal kah aprendizajen informal  mos importante tebes, tanba juventude nuudar esperansa nasaun ida nian, tenki haríi no hamentin-an nudar povo edukadu, estuda maka sai povu matenek no hodi sai povo respeitado.

“Husi edukasaun ka liu hosi estudus maka ita bele sai ema -ser umanu global ho dignidade. Joven sira tenki badinas  estuda no halo esforsu makaas, labele para  atu aumenta no enrikese koinesimentu. Tuir ditadu  ka pepatah  portugues ida dehan “O saber não ocupa lugar”, iha vida ne’e labele pára atu aprende kah estuda. Tanba estuda maka sai baze formasaun ba humanidade. Atu nunee, ser umano, maka manda no determina teknolojia, laos ita sai fali atan “budak“ ba teknologia, depois sai tiha baruk estuda, nia efeitu tuir mai ita mouris iha sosiedade sein kualidade no tama defisiensi no dekadensia kultural no moral,” hakotu nia.

(eme)

LEAVE A REPLY

Please enter your comment!
Please enter your name here

NEWS UPDATE

Diduga 6 Oknum PNTL Terlibat Kasus Kematian Marcos Amaral

DILI, STLNEWS.co – Kasus kematian seorang pemuda Suai Loro, Distrik Covalima, Marcos Amaral menjadi preseden buruk bagi institusi Polisi Nasional Timor Leste, (PNTL) karena...

Update Covid-19 TL 24 Janeiru: Kazu Pozitivu Nain 1

DILI, STLNEWS.co – Ohin loron 24 fulan Janeiru tinan 2022, hodi Koordenadora Jeral Surtu Covid-19, Ministeriu da Saude, deteta kazu pozitivu nain 1 husi...

MCAE – MTK Atualiza Progresu Investimentu Fibra Optika Ba PM Taur

DILI, STLNEWS.co – Ministru Koordenador Asuntu Ekonomia (MCAE) Joaquim Amaral no Ministru Transporte Komunikasaun Sosial (MTK) Jose Agostinho da Silva, aprezenta progresu investimentu projetu...