Programa Sesta Bazika Diak, Maibe Lasufisiente

Xefe Bankada PD, Antonio da Conceição. (Foto: Facebook)

DILI, STLNEWS.co – Membru Parlamentu Nasional husi Bankada Partidu Demokrtiku (PD) Deputadu, Antonio da Conceicão dehan, intesaun VIII-Governu Konstitusional ba implementasaun programa sesta bazika diak, maibe preparasaun maka lasufisiente.

Tuir Eix Ministru Edukasaun nee, programa sesta bazika halao iha periodu ida neebe diak, tanba bele fo buat ruma ba ita nia povu sira iha tempu natal.

Iha periodu detempu nee entermus atu alivia povu nia todan ruma, maibe entermos preparasaun nee hanoin atu reforsa ekonomia rai laran.

“Maibe hau hanoin preparsaun nee ladun sufisiente ba sira, tanba atu halo kompras ba produtu local. Tenke ser iha ona movilizasaun ida ho nia preparasaun antes. Para depois hodi bele tau kuantidade sira nee iha fatin-fatin,” dehan nia ba jornalista sira iha PN, Kuarta (21/10/2020).

Nia tenik, planu sesta baziku diak maibe preparasun lasufisiente, tanba programa darurat, darurat nee ladivia sesta bazika nee foin hanoin agora. Divia nee hanoin iha periodu de tempu ida kuandu deklara estadu de emerjensia.

Agora nee governu sente katak, iha konkorensia boot ida ka persaingan boot ida neebe atividade ida husi lider Xanana, halo nee governu sente hanesan konfrotasaun boot ida tanba individu halo enome nasaun enkuantu governante lahalo ba nasaun.

Ida nee hanesan kontestasaun politika hau tenke dehan katak, tempu lao maka lapaz lolos governu tenke hanoin ida nee. Iha tempu ida neebe iha Estadu Emerjensia halo ba populasaun sira neebe maioria lakon tiha ona servisu.

Buat ida nee halo iha neebe ou informa antisipada tiha para povu hela hakmatek, iha nia fatin halo nia toos. Atu nunee, governu bele rekolia fil fali ninia produtu sira nee hodi bele halo distribuisaun ida. Nee maka prosimasaun ida neebe maka ho preperasaun sosial neebe sufisiente.

Maibe agora dadaun sidadaun ida halo liu fali ukun nain, entaun ukun nain tenke halo netik buat ruma hodi taka fila fali ukun nain nia oin. Neebe ba hau laharee benefisiu ida husi atividade sesta bazika iha periodu tempu neebe, agora dadaun agrikultor prepara sira nia toos para atu kuda.*

Reportajen: Domingas Soares / Guilhermina Franco
Editor: Ekipa STL

LEAVE A REPLY

Please enter your comment!
Please enter your name here