Projetu Lei Kodigu Mineiru & Defeza Nasional Hein Final Global

DILI, STLNEWS.co – Parlamentu Nasioal (PN) semana oin sei halao votasaun final global ba projetu lei rua (2), hanesan kodigu mineiru no mos defeza nasional, tanba debate iha jeneralidade no espesialidade komisaun sira konklui ona.

Tuir portavoz PN, atual Sekretaria Meza PN, Lidia Noberta, ba jornalista Sesta (21/05/2021) iha Parlamentu Nasional.

“PN sei halo votasaun final global projetu lei kodigu mineiru nian, neebe jeneralidade ho espesialidade komisaun sira konklui ona, nunee mos votasaun final global ba projetu lei defeza nasional,” informa Lidia Norberta.

Nia haktuir, ajenda ba semana oin nee mak iha Segunda iha plenaria sesaun dader kona ba anunsia admisaun no baisa ba projetu lei kodigu prosesu penal, ida seluk anunsiu admisaun no baisa projetu lei kodigu prosesu penal. Enkuantu ba votasaun ba projetu lei rua nee iha sesaun lokraik.

Entretantu observasaun jornalista STL, haree katak, iha Parlamentu Nasional liu husi komisaun B trata asuntu negosiu estranjeiru, defeza, no seguransa durante nee halao hela debate ba alterasaun projetu lei defeza nasional ho ministeriu relevante. No projetu lei defeza nasional nee halo alterasaun ba artigu balu hodi aktualiza no aserta ba servisu F-FDTL nian.

Nunee mos, komisaun D trata asuntu ekonomia no dezenvolvimentu, ho komisaun C trata asuntu finansa publika mos durante nee halao diskusaun ba projetu lei kodigu mineiru ho ministeriu no instituisaun relevente sira hodi konklui ona projetu lei nee. No projetu lei kodigu mineiru nee nia konteudu atu regula atividade mineral nian, presiza halo ezersisiu respeita, inklui atividade rekonesementu preliminar, prospesaun ba oin no peskiza, avaliasaun dezenvolvimentu esplorasaun no tratamentu iha area mineral rai laran. I projetu lei nee atu bele atrai konfiansa estranjeiru atu investe iha Timor Leste, tanba Timor Leste iha rikusoin barak.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: