Projetu Neebe Finaliza, Governu Tenke Halo Pagamentu

DILI, STLNEWS.co – Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza ona.

“Hau hanoin governu tenke halo pagamentu ona ba projetu 44 neebe maka ita nia maluk sira finaliza ona. liu. Akompaniamentu husi ajentes obras publika, akompania husi ADN nian no aprova husi KAFI, projetu nee lao tuir duni kriterias maibe too agora seidauk iha kontratu. Maibe obra kompania sira halo finaliza ona seidauk iha pagamentu, karik iha iregularidade ruma bele rezolve, tanba kompania Timor oan sira nee halo obra laos uza sira nia osan maibe debe banku nian,” dehan Deputadu David Dias Ximenes “Mandati”, liu husi sesaun plenaria, PN, Segunda (17/05/2021).

Nia afirma, governu tenke haree mos problema setor privadu sira nian, tanba osan neebe sira uza ba halo obra nee laos sira nia osan rasik maibe ba foti banku nian maka hodi finaliza obra neebe sira kaer, karik governu dada hela deit no la halo pagamentu maka susar tebes ba sira atu selu hikas banku nia osan, tanba osan neebe setor privadu sira foti iha banku kada fulan osan funan mos kontinua aumenta ba bebeik, karik tarde selu maka susar ba kompania atu seluk tusan husi banku.

Hatan ba kestaun nee, Ministru Asuntu Parlamentar no Komunikasaun Sosial, Francisco Jeronimo hateten, preokupasaun Deputadu sira nian konaba kompania finaliza ona obra, maibe seidauk hetan pagamentu husi governu, ba asuntu ida nee Ministru MAPKOMS sei hatoo ba iha ministeriu relevante hodi buka solusaun.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: