Projetu PNDS Fo Servisu Ba Povu Remotas

DILI, STLNEWS.co – Projetu Planu Nasional Dezenvolvimentu Suku (PNDS), neebe tama iha suku laran fo duni servisu ba Timoroan sira, maske servisu nee provizoriu ka fulan tolu nia laran, maibe bele ajuda netik familia sira iha tempu difisil ida nee.

“Ita haree projetu nee fo duni benefisiu ba joven sira neebe mak servisu, tanba nee iha Suku Obulo, joven sira kuaze 80 resin mak inklina an, hodi servisu iha projetu PNDS nee, projetu PNDS neebe lao iha Suku Obulo ho tipu rua, hadia estrada 600 metru, no hadia hada bee dalan 40 metru, total orsamentu ba obra nee hamutuk millaun Quarenta e oito (US$ 48),” Kestaun nee fo sai husi Xefe Suku Interino Suku Obulo, Fernando  Marques ba STL Kinta nee (07/10/2021) liu husi telefone.

Nia katak, tuir akordu ka tarjetu neebe iha katak, projetu PNDS nee lao to’o fulan tolu nia laran, tanba nee iha Suku Obulo rasik, servisu kuaze fulan ida resin ona, no obra nee atinje ona 85%, projetu iha Suku Obulo lao la to’o fulan tolu, fiar katak fulan ida nee remata, obra nee mos bele hotu ona.

Iha parte seluk, reprezentante povu iha uma fukun Parlamentu Nasional, Deputada Elvina de Sousa hatutan, projetu PNDs nee lao ona suku sira, ida nee hanesan pasu ida, atu kria duni kampu servisu ba joven sira iha  suku laran, bele ajuda netik povu hodi hadia sira nia moris.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...