PSIK Halo Investigasaun Kazu Omesidu Lahane

DILI, STLNEWS.co – Vise Ministru Interior (VMI) Antonio Armindo hatete, kazu omesidu neebe komite husi oknum PNTL ho inisial MDS iha Lahane Osidental foin lalais, komandu entrega ona ba iha Polisia Sientifiku Investigasaun Kriminal (PSIK) hodi halo investigasaun.

“Ohin ho Komandante Jeral no Segundu Komandante Jeral PNTL mai enkontru ho Primeiru Ministru atu atualiza situasaun neebe dadaun nee lao, liu liu kona ba insidente neebe foin lalais nee akontese iha loron 5 Junhu iha Lahane Osidental,” dehan VMI Antonio Armindo wainhira remata enkontru ho PM atual Ministru Interior, iha rezidensia xefe governu Farol, Dili, Segunda nee,(07/06/2021).

Nia dehan, hafoin akontesimentu neee komandu dezarma kedas membru nee no detein kedas iha sala detensaun hodi hein prosesu investigasaun.

“Hanesan ita hotu hatene katak momentu akontesimentu nee, oknum PNTL nee tama ona sala detensaun, no kazu nee komandu entrega ona ba PSIK – PNSIK hodi halo investigasaun, tanba nee ita hein nia rezultadu,” dehan nia.

Tuir nia, prosesu neebe komandu aplika ba membru nee iha rua, ida mak sansaun disiplinar neebe dadaun nee aplika ona, no kona ba kriminal nee iha prosesu investigasaun nia laran.

Governante nee dehan, kazu neebe oknum PNTL nee halo, Ministeriu Interior no Komandu PNTL lamenta tebes ho aktu nee, maibe PNTL kontinua halao nia knaar tuir konstitusaun neebe mak iha hanesan serbi no proteje povu tuir lei no orden neebe iha.

Entretantu sidadaun nain rua lakon ona nia vida, tanba tiru husi oknum PNTL iha Sabadu madrugada (05/06/2021), ho naran Filomeno de Deus ho nia oan mane, Camilo de Deus.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: