PST Laiha Problema Ho Militante 5.000

DILI, STLNEWS.co – Partidu Socialista de Timor (PST) atu kandidata an ba prezidente laiha problema konaba militante rihun lima (5.000), tanba rejistu no organiza hahu kedas husi suku.

Kestaun nee hato’o husi Jurista Avelino Coelho hanesan mos Prezidente Partidu PST ba STL liu husi telefone, Domingu nee  (05/09/2021).

Nia hatete, konaba Partidu PST atu kompete iha eleisaun prezidensial neebe atu realiza iha tinan 2022 tuir kriteria presiza apoiantes rihun lima (5.000), tanba nee ba PST laiha problema ho militante.

“Konaba kriteriu 5.000 nee ba PST la iha problema, tanba militantes PST neebe rejistadu no organiza an iha suku (Komite Revolusioanrius de Baje Popular – KRBP) to’o hela atu kompleta numeru refere. PST organiza hela nia militantes sira atu hatama kartaun eleitoral, karik partidu presiza, neebe la problema,” hatete nia.

Avelino afirma, PST nee  tuir nia estatutu partidu de kuadrus no husi kedas nia fundasaun iha tempu rezistensia AST funda iha tinan 1991 nuudar transformasaun husi FECLITIL. FECLITIL mai husi transformasaun OJECTIL neebe funda iha loron 20 fulan Dezembru tinan 1981. Ho dezenvolvimentu, hafoin iha loron 13 fulan Maiu tinan 1997, AST transforma an ba Partidu Socialista de Timor (PST) funda nuudar partidu neebe adopta lina ka prinsipiu partidus de kuadrus. Haree husi perspektiva ida nee, PST prepara nafatin nia an hodi tuir kualker eleisaun mak sei mai.

PST haree katak eleisaun prezidensial nee momentu neebe mak determinante. Presiza manan uluk eleisaun prezidensial, depois tenke manan tan eleisaun parlamentar, hodi nunee bele servisu ba hadia sistema kumpre konstituisaun no hametin Estadu de Direitu Demokratiku.

“Husi hanoin hirak nee mak ami mos prepara hela kondisoens atu oinsa avansa ba konkore ka deside apoiu kandidatu balun. Hau nia preferensia Maun Boot Kay Rala Xanana Gusmao mak figura ideal liu atu konkore, hodi bele manan primeira volta. Maibe karik Maun Boot deside la konkore, ita haree took opsaun seluk, ida hau mos bele konkore,” dehan nia.

Nunee mos Konsellu Fundadór Rede Observador Nasionál Eleisaun Timor Leste (RONETIL) Laurentinho Alves hatete, nia haree konaba futuru Prezidente Republika (PR) neebe mai husi kandidatura feto, mane no husi partidu neebe deit bele hotu, importante mak prienxe rekezitu.

“Importante liu mak prienxe rekezitu artigu 75 Konstituisaun Republika Demokratiku Timor Leste (K-RDTL), konaba “elijibilidade”, ba kandidatura PR hotu katak, tenke sidadaun Timoroan, idade minimu 35, iha kapasidade diak no hetan apoiantes ka hili husi ema minimu rihun lima (5.000),” katak nia. *

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: