PTR Hasoru PPN

DILI, STLNEWS.co – Prezidente Tribunal Rekursu (PTR), Deolindo do Santos hasoru malu ho Prezidente Parlamentu Nasional (PPN) Aniceito Guteres, hodi koalia konaba servisu entre parte rua nee.

Liu husi intrevista, Prezidente Tribunal Rekursu (PTR) hateten, enkontru ida nee importante tebes, no koalia liu konaba servisu neebe mak PTR sei halo durante mandatu tinan 4, aleinde nee mos koalia konaba saida mak bele halo iha konkretu ba implementasaun lei kombate korupsaun nian, tanba buat balun halo ona, maibe presiza atu halo diak liu tan.

“Hau hanoin asuntu sira nee iha relasaun ho Parlamentu Nasional, tanba nee haruka ona pedidu mai iha PN no ohin hau mai hasoru Prezidente Parlamentu Nasional atu haruka deklarasaun deputadu sira nian, liu liu sira neebe uluk iha tiha ona nee bele haruka ba iha Supremu Tribunal no Tribunal Rekursu bele halao nia kompetensia iha entrada vigor lei nee, tanba nee Parlamentu tenke haruka deklarasaun deputadus sira nia konaba deklarasaun sira nia riku soin tuir lei neebe iha tenke ba Tribunal Rekursu,” dehan Prezidente Tribunal Rekursu Deolindo ba jornalista, iha PN, Dili, Kuarta (05/05/2021).

Nia mos koalia ona ho Prezidente Parlamentu Nasional, atu organiza diskusaun ka seminar ruma konvida mos entidade sira neebe implementa lei nee, Tribunal rekursu rasik, KAK nomos entidade sira seluk, atu nunee bele iha diskusaun neebe diak no hatene inisiu implementasaun diploma nee dezafiu ka defikuldade sai mak hasoru, tanba nee liu husi seminar sira nee mak foin hatene problema saida mak hasoru, no oinsa atu buka solusaun hamutuk.

“Hau hanoin ezemplu konkretu mak lei ida antigu ita prense dokumentus pur eskrita nee simples los, no tau iha Tribunal Rekursu, tau mos iha Parlamentu, maibe lei ida agora nee ita prense dokumentus liu husi online, tanba nee ita hotu tenke iha konsementu diak atu prense formulariu online nee, no atu kria formulariu nee presiza tempu tanba digital,” dehan PTR.*

Reportajen: Madalena / Guilhermina
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: