PTR Hasoru PR

DILI, STLNEWS.co – Prezidente Tribunal Rekursu (PTR), Deolindo dos Santos hasoru Prezidente Republika (PR), Francisco Guterres Lú Olo hodi koalia kona ba servisu Tribunal nian neebe lao durante nee.

“Hasoru Prezidente Republika koalia kona ba servisu Tribunal nian neebe maka lao durante nee, saida maka hau hatoo ba Prezidente katak, servisu inprinsipiu lao ho forma neebe diak, mesmu hasoru hela situasaun neebe loro-loron numeru Covid-19 aumenta i mate mos aumenta, maibe Tribunal sei lao ho forma neebe maka diak,” dehan nia ba jornalista sira, iha Palasiu Prezidensia Nicolau Lobato, Bairru Pite, Dili, Tersa (01/06/2021).

Nia dehan, mesmu Tribunal rasik mos iha balun moras ona ba Covid-19, maibe Tribunal sei lao nafatin forma ida neebe diak. Aleinde nee hatoo mos kona ba situasaun balun neebe Tribunal halo jestaun kona ba planu Tribunal nian atu bele kontribui nafatin ho ezekusaun orsamentu ba tinan 2019 nian, ba halo kontruksaun ba Tribunal Dili nian rasik, nomos previjaun orsamentu ba dezenu ba Tribunal Distrital sira seluk, nomos rezidensia ba juiz neebe agora iha hela faze ezekusaun.

PTR Deolindo hatutan relata mos ba Prezidente Republika kona ba kamara de kontas servisu nian neebe plenariu kamara de kontas aprova ona relatoriu anual ba tinan 2021 neebe haruka ona ba Prezidente Republika, Prezidente Parlamentu Nasional ho mos Primeiru Ministru rasik para halo apresiasaun kona ba servisu neebe kamara de kontas halo durante tinan ida nia laran.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: