Quintiliano: Hau Iha Armajen Ajuda Vitima, Xanana Sei Orienta Ekipa Observa

DILI, STLNEWS.co – Emprezariu Timor oan Quintiliano, prepara hela fatin balu, atu hodi ajuda maluk sira neebe vítima ba inundasaun, tanba dadaun nee vitima sira dada deit lona hodi hela. Emprezariu nee informa ba lider karismatiku Xanana Gusmão atu orienta ekipa sira ba haree hodi haruka maluk vítima sira ba hela provizoriu.

Quintiliano Moniz Carvalho hanesan Diretor Kompania Sipma hatete, hanesan ema Timor oan i hanesan ema umanu nia haree maluk neebe vítima ba inundasaun nee sira dada deit lona hodi toba iha rai, i agora intervensaun husi lider Xanana mai halo esforsu supa bee nee atu povu sira bele fila ba sira nia fatin. Maibe agora dadaun nia iha fatin balu mamuk, neebe atu apoiu netik maluk sira neebe toba deit iha lona okos. Tanba nee nia parte komunika ho lider karismatiku Xanana Gusmão atu orienta ekipa fiar sira ba haree hodi haruka maluk sira bele ba hela provizoriu.

“Haree ba maluk sira neebe vítima ba inundasaun, ita hotu preokupa, neebe hau atu kontribui mos ba ajuda sira, hodi sira ba hela provizoriu iha hau armajen neebe mamuk, armajen nee uluk hodi produs haree lokal nee agora nee mamuk, i hau iha mos bee no jerador ida neebe antisipa ba ahi mate. Tanba nee hau atu kontribui ba ajuda ita nia maluk sira nee, i ohin hau koalia ona ho avo Xanana, katak atu bele haruka vitima sira nee ba hela lai,” katak Quintiliano ba STL Sabadu (01/05/2021) nee iha Lagoa Tasi-Tolu.

Nia hatete, nia mos vitima ba inundasaun, maibe sei iha fatin sorin neebe diak bele hela ba, tanba nee iha nia armajen neebe mamuk nia mos hadia tiha atu hodi ajuda netik ba maluk sirá neebe mak toba hela iha lona okos.

Nia hatete, fatin nee luan, i iha neeba iha bee ho ahi, i sei iha mos fos balu sei iha neeba, tanba nee nia parte prepara hela atu hodi ajuda provizoriu lai maluk sira nee, i iha fatin nee bele akumula 50 familias.

Tuir nia, fatin nia prepara nee atu hodi ajuda maluk sira tanba nia haree maluk sira vitima ba inundasaun nee dada feito lona hodi toba iha rai. Nia fatin nee iha duni aldeia 12 de Outubru iha rai-hun.

Entretantu iha komunikasaun ho lider karismatiku Xanana Gusmão ho emprezariu nee, Xanana hatete, aban orienta ekipa sira atu ba haree fatin nee.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: