Rama Ambon Kona Ema Barak Nee La Loos

DILI, STLNEWS.co – Komandante Jeral Polisia Nasional Timor-Leste (PNTL), Komisariu Faustino da Costa klarifika, iha publikasaun balun neebe ema iresponsavel sira lansa iha Media Sosial (Medsos) konaba rama ambon kona ema barak, nee la loos.

Tanba tuir Komisariu Faustino da Costa katak, iha duni kazu rua mak akontese iha area Kampung Alor, Postu Administrativu Dom Aleixo nian, enkuantu fotografia sira seluk nee kazu neebe akontese iha tinan hira ba kotuk nian.

“Hakarak klarifika tiha lai publikasaun iha loron balun, liu – liu iha fim de semana nee katak, rama ambon nee kona ema barak loos, mais atu dehan deit, so iha akontesimentu iha kazu rua mak iha duni, maibe kazu balun nee akontese iha tinan kotuk ninian, depois mak ema publika ka share fila – fali, kazu sira neebe akontese iha Kampung Alor maioria iha area Dom Aleixo ninian,” dehan Komisariu Faustino da Costa iha Akademia Polisia Comoro Dili, Segunda nee (15/11/2021).

Nia hatutan, motivu husi kazu rua neebe akontese iha area Kampung Alor nee, tanba joven sira konsumu tua mak lanu depois kria problema.

Entretantu, konaba situasaun jeral iha Munisipiu Baucau oras nee dadauk, Faustino da Costa afirma, situasuan lao diak no kontroladu, tanba komando koloka tan forsa seguransa hodi ba fo apoiu seguransa iha Munisipiu Baucau, nunee komunidade bele moris iha situasaun hakmatek.

(efi)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...