RDDU Konsidera Komisariu PNTL Laiha Kapasidade

DILI, STLNEWS.co – Portavoz Rede Defensor Direitu Umanu (RRDU), Ivo Colimau Lai, konsidera Komisariu Polisia Nasional Timor Leste (PNTL) Faustino da Costa, laiha kapasidade jere instituisaun PNTL tanba durante nia mandatu membru PNTL balun kontinua uza arma hodi hakotu ema nia vida.

Kestaun nee portavoz RDDU hatete relasiona ho oknum PNTL kontinua uza arma hodi hakotu populasaun nia vida.

“Abrigu ba kazu violasaun direitus humanus neebe akontese desde fulan Marsu 2021 too ohin loron mosu tan omesidu nain rua, no ida kanek todan iha Lahane neebe akontese iha Sabadu madrugada foin lalais nee hatudu katak komisariu PNTL laiha kapasidade atu asegura boa imajen PNTL,” dehan portavoz Rede Defensor Diretu Umanu (RRDU), Ivo Colimau liu husi konferensia imprensa neebe halao iha salaun HAK Palapasu, Domingu (06/06/2021).

Portavoz RDDU – FONGTIL nee dehan, tuir lolos ho akontesementu sira hanesan nee, Komisariu PNTL halo ona interpretasaun ba nia kapasidade, no halo karta rezignasaun para husik hela kargu neebe nia kaer.

“Komisariu PNTL lolos nee halo ona karta rezignasaun para demite nia an rasik, la presiza ema seluk mak obriga nia, tanba durante nia mandatu nia la iha kapasidade atu jere instituisaun PNTL ho lolos,” nia esplika.

Nia hatutan, RDDU mos husu ba Ministru Interior atual Primeiru Ministru Taur Matan Ruak atu halo remodelasaun ba kargu komando PNTL, hahu husi Komisariu, Komandante Munispiu Dili, Komandante Operasaun Munisipiu Dili, nomos Komandante seksaun neebe mak autor Marianu enkaisa ba hodi nunee lori fali imajen foun iha instituisaun PNTL, liu liu iha Munisipiu Dili.

Aleinde nee, RDDU-FONGTIL mos apresia tebes desizaun Ministeriu Interior Atual Primeiru Ministru Taur Matan Ruak neebe fo orientasaun ba Komandu PNTL hodi dezarma autor neebe tiru mate ema nain rua, no ida kanek todan iha Lahane Osidental.

Entretantu matebian nain rua (2) neebe mak membru Polisia tiru mate iha Sabado madrugada nee ho naran Filomeno de Deus ho nia oan mane Camilo de Deus.

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: