DILI, STLNEWS.co – Rede Feto Timor Leste realiza Asembleia Membru Anual Ama, iha Salaun delta Nova.
Objetivu prinsipal husi Asembleia membru anual Rede feto Timor Leste mak halao prosesu bazeia ba asuntu 5, neebe mensiona iha artigu 22 konstituisaun Rede Feto nia, no iha rejime nee sei kompoin husi kapitulu tolu mak hanesan Komposizaun Jeral Funsionamentu Asembleia Membru Annual Ama no disposizaun final.
Iha biban nee, Prezidente Konselhu Diretora Rede Feto, Zelia Fernandes ba STL iha Salaun Delta Nova Kinta nee (24/08/2023) hatete, ohin Rede feto realiza Asembleia Membru Anual Ama.
Tuir observasaun neebe mak STL hetan iha artigu 1 definisaun no objetivu Asembleia Membru Anual Ama hanesan enkontru neebe halao kada tinan, hodi avalia progresus neebe halao durante tinan ida bazeia ba planu estratejiku Rede Feto, no objetivu Asembleia Membru Annual Ama, atu aprezenta relatoriu narativu ho finansas anual 2022, hodi hetan aprovasaun, establese grupu Trabalho, establese komisaun Organizadora kongresu Nasional Feto Timor Leste ba dala-6, no aprova rezulusaun ruma, tuir Rede Feto nia ejijensia no ikus lansamentu dokumentus importante Rede Feto Timor Leste.
Kompozisaun meza Asembleia husi Estrutura Konselhu Diretora Rede Feto mak hanesan, Prezidente Konselhu Diretoria, Zelia Fernandes, Vise I PKD, Teresa de Carvalho, Visi II PKD, Gizela de Carvalho, Sekretaria Konselhu Diretoria Cecilia Fonseca, Tezoreira Konselhu Diretoria Doreteia kese, Advokasia Konselhu Diretoria Maria Domingas Fernandes Alves, Rede Serbisu Konselhu Diretoria Maria Imaculada Guterres, Haforsa Instituisaun Kons Diretoria Marcia de Oliveira.
(eme)
