Rede Feto Triste, Feto Sai Vitima

DILI, STLNEWS.co – Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu liu ba feto maluk neebe hakotu vida ho tara aan. Sentimentu triste nee hatoo husi Prezidente Rede Feto, Zelia Fernandes ba STL via telefone, Segunda (17/05/2021).

“Rede Feto Timor-Leste sente triste hodi asiste realidade ida tan feto sai vitima ba sira nia aan situasaun moris tomak. Rede Feto preokupa tanba inan feton ne hakotu vida ho tara an,” hatete Prezidente Rede feto nee.

Nia hatutan, too iha momentu ida nee Rede Feto rasik seidauk hatene motivu lolos neebe kauza inan feton ne nia mate. Rede Feto seidauk bele halo konkluzaun ida katak mate ho tara aan, tanba ain kona hela rai. Maibe husik institusaun relevante halo nian servisu hodi buka lia los.

Haree ba kazu inan feto nee, Rede Feto seidauk hatene nia motivu lolos, maibe Rede Feto kontinua ba ministeriu relevante sira hodi buka lia los tuir dalan justisa nia.

“Ami eziije ba institusaun kompetente, hodi halo investigasaun klean kona ba kazu nee,” hatete nia.

Inan feton neebe mak tara aan nee Sekretariu Estadu Arte no Kultura (SEAK) Teofilho Caldas nia feen, deskonfia hakotu vida ho tara aan iha kuartu laran.

Haree ba kazu nee, Alexandrina Madeira hanesan mos alin husi matebian husu Polisia Forensik atu halo autopsia ba mate isin, nunee bele hatene motivu husi tara aan.

Matebian neebe mak mate ho tara aan ho naran kompletu Levenita Madeira mate ho idade (38), husik hela laen no oan nain lima (5), mane nain haat (4), feto ida (1).

No mate isin halo ona autopsia hodi hatene husi motivu nee tara aan tebes mak mate ka ou mate tanba motivu seluk, no oras nee prosesu investigasaun kontinua lao.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: