Refreshing Iha Tasi Ibun, PNTL “Raut” Sidadaun Ho Motor

Membru Polisia Nasional Timor Leste (PNTL), "raut" sidadaun balu ho motor, iha tasi ibun Tasi-Tolu, tanba viola regras serka sanitaria. (Foto: STL/Madalena Horta)

DILI, STLNEWS.co – Membru Polisia Nasional Timor Leste (PNTL), “raut” sidadaun balu ho motor, iha tasi ibun Tasi-Tolu, tanba viola regras serka sanitaria.

Tuir observasaun jornalista STL, Sabadu (27/03/2021) iha Tasi-Tolu, haree katak sidadaun balu kontinua ba tuur halimar iha tasi ibun Tasi-Tolu, balu lauza maskra, tanba nee membru PNTL neebe halao kontrola ba iha situasaun serka sanitaria “raut” sidadaun sira nee ho motor tula ba kareta hodi ba iha PNTL munisipiu Dili.

Sidadaun sira neee ba tuur halimar ka refreshing iha tasi ibun Tasi-Tolu nee, balu ba ho motor, no balu lao ain. Entretantu sidadaun balu neebe uza motor nee para hela hodi tuur halimar hola anin tasi, maibe balu lauza maskra.

Laos nee deit, maibe negosiantes roda tolu balu mos viola regras serka sanitaria hanesan lauza maskra, tanba nee polisia kaer lori kedas ba iha PNTL munisipiu Dili.*

Reportajen: Guilhermina Franco/Domingas Soares
Editor: Ekipa STL

LEAVE A REPLY

Please enter your comment!
Please enter your name here