Rehabilitasaun GMT Dili Atinji 98 %

Prosesu rehabilitasaun Jinaziu GMT Dili atinji ona 98%, maibe parte Kompania Vitoria seidauk bele entrega ba governu iha fulan Dezembru nee, tanba sei hein osan adisional. (Foto Ilustrasaun: GSE)

DILI, STLNEWS.co – Prosesu rehabilitasaun Jinaziu GMT Dili atinji ona 98%, maibe parte Kompania Vitoria seidauk bele entrega ba governu iha fulan Dezembru nee, tanba sei hein osan adisional.

Kestaun nee hatoo husi Engenharia do Terenu, Kompania Vitoria, Zebedeu de Araujo ba STL iha GMT, Dili, Kinta (17/12/2020).

Nia hatete, agora sira hamos deit foer sira, hodi hein fali osan adisional neebe too agora seidauk too ba kompanha nia liman, tanba nee saida maka sira halo hanesan hadia deit fali buat neebe mak aat nee depois hamos sasan foer sira nee.

“Ami nia servisu orizinal nee 98% ona neebe hamos fali no hadia fila sasan balu neebe mak att hanesan cores neebe pinta hadia fila fali noo mos sasan balu neebe mak udan kona nee hadia fali, depois hamos mos ho vidru sira nee,” hatete nia.

Nia mos informa osan audisional too agora seidauk too iha kompania nia liman, sira husi parte SEJD mai hare tiha ona dehan buat sira neebe mak presija hanesan audisional bele hato mai, para audisional nee aprova dala ida.

Dala ruma sira hein hotu Orsamentu Jeral Estadu 2021, nee entaun kompanha bele halo hotu inklui mos iha jardim liur sira nee, servisu neebe BOQ mak uma nee rasik.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here