Rejignasaun Horta Reflete Karakter Kritika Ba Estadu TL

DILI, STLNEWS.co – Rejignasaun eis Prezidente Republika Jose Ramos Horta nian husi Konsellu Estadu, nee reflete karakter kritika ida ba estadu no orgaun soberanu Timor Leste.

Tuir Deputadu Bankada CNRT, Aderito Hugo hatete rejignasaun eis Prezidente Republika Jose Ramos Horta nian iha Konsellu Estadu nian, nia impaktu iha.

Tanba demisaun Doutor Jose Ramos Horta nian reflete karakter kritika ida ba estadu no orgaun soberanu TL nian, atu sensivel ho situasaun iha mundu no iha relijiaun.

“Impaktu iha tanba demisaun Doutor Jose Ramos Horta nian reflete karakter kritika ida ba estadu no orgaun soberanu TL nian, atu sensivel ho situasaun iha mundu no iha relijiaun. Entaun nee espresaun ida kritika konkreta husi Konsellu Estadu, ita nia konstituisaun hatete orgaun konsultativu ba PR nian iha rua deit maka Konsellu Superior Defeza Seguransa no Konsellu Estadu,” dehan nia ba jornalista sira iha PN, Kuarta (30/06/2021).

Nia hatete, se membru ida husi orgaun rua nee halo demisaun nee tanba kritika ida signifikante teb-tebes.

Aleinde nee Deputada Bankada PLP, Maria Angelina Lopes Sarmento hatete rejignasaun eis Prezidente Republika Jose Ramos Horta nian, nia parte hanoin tuir konstituisaun kompozisaun Konsellu Estadu. Eis Prezidente Republika sira nee obrigatoriumente paz parte Konsellu Estadu, maibe rejignasaun nee mos direitu ida.

“Hau hanoin tuir konstituisaun kompozisaun Konsellu Estadu, eis Prezidente Republika sira nee obrigatoriumente paz parte Konsellu Estadu, maibe rejignasaun nee mos direitu ida se Doutor Jose Ramos Horta atu hases an husi kompozisaun Konsellu Estadu, maibe hau la hatene fundamentu husi Doutor Jose Ramos Horta husi nia rejignasaun tanba saida,” dehan nia.

Nia dehan, mais husi parte ida, nee direitu konstituisional husi parte ida nia direitu atu halo rejignasaun, tanba nee laiha ema ida bele impede.*

Reportajen: Domingas Soares/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...