Rejignasaun JRH Fo Impaktu Politika Externa

DILI, STLNEWS.co – Relasiona ho eis Prezidente Republika Timor Leste (TL), atual premeadu Nobel da Paz, Jose Ramos Horta (JRH), rejigna an husi Konsellu Estadu (KE), ida nee impaktu ba imajen diak TL nian iha komunidade internasional no mos ba politika externa.

Kestaun nee hatoo husi Ivo Colimau Lay Costa, nuudar Koordenador Advocasi FONGTIL ba jornalista liu husi konferensia imprensa Kuarta nee (01/07/2021) iha Caicoli.

“Haree ba rejignasaun Premeadu Nobel da Paz husi KE, ida nee impaktu ba politika externa iha, i fo mos impaktu ba ita nia boa imajen iha komunidade internasional. Durante nee ema hotu hatene katak, iha pasadu ita nia Timor oan nain 2, Amo Bispu Dom Carlos, ho José Ramos Horta sai hanesan premeadu Nobel da Paz, tanba luta ba demokrasia no mos ba direitu umanus,” tenik Ivo.

Nia dehan, ida nee hatudu iha tempu rezistensia, tanba sa mak iha ukun an mai, asume tiha titulu ida iha sistema governasaun, katak Republika Demokratiku TL, depois asuntu sira kona ba direitus umanus ho demokrasia abstein fali, nee razaun saida.

Ivo afirma, Governu TL rasik viola konstituisaun, prinsipiu neebe konserteza iha, iha impaktu ba politika externa. Ida nee laos haree deit ba politika interna, maibe haree ba iha politika externa, tanba iha tempu hirak liu ba TL ukun an assina tratadu internasional, ema bolu dekalarasaun universal direitus umanus, signifika nasaun sira neebe mak asina ona tratadu ida nee, valoriza tebes prinsipiu direitu umanus.

Entretantu, Deputadu husi Bankada CNRT, Aderito Hugo hatete, rejignasaun eis Prezidente Republika Jose Ramos Horta nian iha Konsellu Estadu, impaktu iha. Tanba demisaun Jose Ramos Horta nian reflete karakter kritika ida ba estadu no orgaun soberanu TL nian, atu sensivel ho situasaun iha mundu no iha rejiaun.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: