Rejultadu Teste Membru F-FDTL Foun Semana Oin Fo Sai

DILI, STLNEWS.co – Ministru Defeza Filomeno da Paixão de Jesus hatete, rejultadu ba teste membru foun Falintil Forsa Defeza Timor Leste (F-FDTL) neebe mak halao ona teste, rejultadu fo sai iha semana oin.

Ministru Defeza Filomeno da Paixão de Jesus hatoo kestaun nee ba jornalista bainhira remata hasoru malu ho Prezidente Republika Francisco Guterres Lú Olo iha Palasiu Prezidente Bairru Pite, Sesta (16/07/2021).

Ministru Defeza hatete, ohin hasoru malu ho Prezidente Republika hodi hatoo relatoriu konaba atividade F-FDTL nia, no serbisu neebe mak halao iha Ministeriu Defeza nia ba Xefe Estadu.

“Ohin koalia konaba rekrutamentu, rekrutamentu nia teste buat sira ikus nee dois mil quatrusentus atu apura setesentus nee halo hotu ona hodiseik nee, espera katak semana oin hau simu relatoriu para atu fo sai los nia rejultadu” hatete Ministru Defeza.

Nia katak, semana oin mak hatoo nia rejultadu konaba membru foun Falintil Forsa Defeza Timor Leste (F-FDTL) nian.

Iha enkontru nee Prezidente Republika Francisco Guterres Lú Olo husu apura lalais Forsa Armadas foun 600, haree tok aprende lisoens ba pasu neebe mak halo agora, no karik iha sala ruma bele hadia ona no karik buat neebe mak diak halo diak liu tan.

Iha loron hirak liu ba Vice Xefe Estado Maior-Jeneral das Forças Armadas , Major-Jeneral Domingos Raul (Falur Rate Laek) hatete ultima ona halo inspesaun ba rekrutamentu ba membru foun Falintil Forsa Defeza Timor Leste (F-FDTL).

Konaba rejultadu ba avaliasaun nee Vice Xefe Estadu Falur hatete hein deit, maibe Kuarta horisehik loron ikus ba selesaun ba membru F-FDTL foun sira.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: