Reklamante Sesta Bazika Simu Ona Direitu

DILI, STLNEWS.co – Komunidade reklamante sesta bazika iha Aldeia Fatumeta no Aldeia 5 de outubru, Suku Bairru Pite, Postu Administrativu Dom Aleixo, Munisipiu Dili, ohin ho antusiasmu simu ona sira nia direitu ba sesta bazika neebe distribui husi governu.

Seste bazika ne’ebe sira simu mak hanesan foos, mina, liis, susu been, koto no sasan baziku ne’ebe komunidade sira presiza loron – loron nian.

Tuir Xefe Aldeia Fatumeta Joao da Costa hatete, ohin faze daruak ba reklamante ne’ebe antes nee seidauk hetan sira nia direitu.

“Hau sente sira merese duni hetan sira nia direitu, tanba lori tempu ne’ebe naruk, maibe sira ho pasensia hodi hein governu prepara buat sira ne’e loos hotu, no jestor kompania sira mos prontu atu koopera ho autoridade lokal hodi fahe sira nia direitu,” dehan nia STL iha Fatumeta, Dili, Sesta nee (1/10/2021).

Nia hatutan, iha uma kain 7 mak seidauk mai foti sira nia sasan, maibe sira alista hela, nune’e aban ou bainrua sira bele mai foti fali.

Iha biban ne’e, Xefe Aldeia 5 de Outobru Orlando da Costa mos relata, tuir dadus ne’ebe mak iha, komunidade iha nia aldeia rasik hamutuk uma kain 71, total ema 435 inklui feto ho mane, maibe ohin ema 422 deit mak mai simu.

“Sira ne’ebe seidauk simu ne’e, naran iha lista mak seidauk loos, por ezemplu, sira iha uma laran hamutuk ema nain 13, maibe sira nia lista mai ho nain 7 deit, ho nune’e balu deit mak simu no balu seidauk,” dehan nia.*

Reportajen: EST/01

Editor: Ekipa STL  

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...