Rekrutamentu F-FDTL Foun, Laiha Imparsialidade Ba Juventude

DILI, STLNEWS.co – Jerasaun martires no antigu kombatente libertasaun nasional sira, husi Kaixa Komando 03 Hudi Laran observa katak, rekrutamentu FALINTIL – Forsa Defeza Timor-Leste (F-FDTL) tinan 2021 ladun iha imparsialidade ba juventude sira.

Liu husi konferensia imprensa, portavoz Julio da Silva Sarmento hatete, iha tinan 2021 F-FDTL loke rekrutamentu foun ba juventude feto no mane, atu kompete liu husi pakote rua (2), hanesan rejime espesial ba veteranus no kombatente nia oan ou familia no rejime jeral ba publika.

“Ami jerasaun martires no antigos konbatentes da libertasaun nasional sira husi Kaixa Komando 05 Hudi Laran, Manleuana, Dili, haree katak, ba situasaun realiadade ne’ebé akonese iha prosesu rekrutamentu iha komisaun, ladun fo imparsialidade ba juventude sira, ne’ebé mak kompete iha prosesu rekrutamentu membru foun F-FDTL nee,” dehan nia ba jornalista iha jardin 5 de Maiu, Segunda nee (27/09/2021).

Nia realsa, sira husu ba komisaun atu fo esplikasaun ida profundu konaba rejime espesial no rejime jeral. Tanba kandidatura husi regimi espesial ne’ebé la pasa iha prosesu rekrutamentu.

Aleinde nee, sira husu ba komisaun kandidatura membru foun F-FDTL tinan 2021, atu hatudu profisionalidade, imparsialidade no integridade institusional ne’ebé representa povu no nasaun.

Jerasaun martires rekomenda ba Prezidente Republika Francisco Guterres Luolo, atu foti asaun imediatu ba profisionalizmu no inparsialidade komisaun rekrutamentu membru foun F-FDTL tinan 2021.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...