Rekrutamentu F-FDTL Preve Iha Fulan Abril

Xefe do Estadu Maior General Das Falintil Forsa Defesa Timor-Leste (F-FDTL), Maijor General Lere Anan Timur. (Foto: Espesial)

DILI, STLNEWS.co – Rekrutamentu ba F-FDTL preve iha fulan Abril, maibe depende mos ba kondisaun neebe maka iha.

“Ami preve halo rekrumentu iha fulan Abril, maibe depende mos ba kondisaun neebe maka ita iha, porezemplu hanesan fardamentu, infraestutura nee laiha ona problema. Agora nee kestaun fardamentu deit,” lia hirak nee hatoo husi Xefe do Estadu Maior General Das Falintil Forsa Defesa Timor-Leste (F-FDTL), Maijor General Lere Anan Timur, ba jornalista sira Palasiu Prezidente Aitarak Laran, Kuarta (03/02/2021).

Nia dehan tan, fardamentu bainhira too ba rekrutamentu sira, i depois sira pasa prontu, tanba sira presiza farda tanba ho buat sira hotu.

“Maibe hau hanoin katak sei iha fulan 2 ka tolu nee tempu sei iha, governu haruka ona kompania ida atu ba aranza farda ida nee, maibe seidauk hatene too fulan Marsu nee farda too kalae,” tenik nia.

Nia hatutan, maneira halo rekrutamentu nee iha lista neeba nee, lista veteranus mos iha, la veteranus mos nia lista mos iha, maibe agora nee buat hotu depende ba saude, ezemplu hanesan veteranus ida nia oan maka ninia saude la augenta, no halai deit 100 metru mos la augenta nee kuitadu nee ita obriga nia.

Maibe nia saude laprimiti. Maibe too iha neeba nee hau hanoin katak kestaun tekniku sira maka haree, bainhira dehan diak ona entaun hau mai asina deit, haruka ba Ministru Defeza nee too ona.*

Reportajen: Natalina Lopes
Editor: Domigas Gomes

LEAVE A REPLY

Please enter your comment!
Please enter your name here