Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun halao nia misaun diplomasia iha KBRI Dili remata ona, no sei fila fali ba Indonezia iha loron 1 fulan Outubru tinan 2021.

Iha Sabadu horiseik (25/9/2021), Embaixador Sahat Sitorus ho nia espoza halo despedida ho sidadaun Indonezia, neebe mak hamahan an iha grupu lubuk neebe eziste iha Timor Leste hanesan, Batak Diak Los (BDL), Komunidade Maluku (KEMMA), Komunidade Menado (K3TL), ibu – ibu Santa Elisabeth Taibessi no FLOBAMORA.

Serimonia despedida nee halao liu husi Oikumene (Ibadat hamutuk entre sarani Kristaun Protestante no Katolika) neebe realiza iha KBRI Dili, no sai uma nain iha Oikumene nee mak, komunidade husi FLOBAMORA (Flores, Sumba, Timor no Alor).

Lider komunidade Indonezia neebe partisipa iha serimonia nee mak hanesan, Xefe Komunidade Batak Diak Los (BDL), Robert Pangaribuan, Xefe Komunidade KEMMA, Max Milyan Laimeheriwa, Xefe Komunidade K3TL, Romi Karundeng, Xefe Komunidade FLOBAMORA, Yohanes Usboko no seluk – seluk tan.

Liu husi omilia, Pe. Urbanus Bunga Lolon SVD, husu ba sarani Kristaun WNI iha TL, atu hametin nafatin unidade no servisu hamutuk ho diplomata sira neebe halao misaun diplomasia iha KBRI Dili.

Nia hatete, durante tinan 4 resin, Embaixador Sahat Sitorus ho nia espoza Bintang Vera C. Sitanggang hamutuk ho komunidade Indonezia iha TL, hodi halao servisu tuir idak – idak nia profisaun no sempre hamutuk iha atividade relijioza hanesan Oikumene.

Tamba nee, nia husu ba komunidade Indonezia, liu – liu sarani kristaun neebe halao atividade Oikumene durante tinan hirak nia laran, atu kontinua nafatin halao atividade refere ho Embaixador Indonezia foun ba TL, neebe iha tempu badak nia laran sei mai iha nasaun TL.

Liu husi Oikumene nee mos sarani Kristaun Indonezia reza hamutuk, hodi husu tulun no bensaun Maromak, atu akompana Embaixador Sahat Sitorus no espoza, neebe husik TL iha loron 1 fulan Outubru tinan 2021, fila fali ba Indonezia ho saudavel,

Iha biban nee, Xefe Sarani Igreja Hosana Dili, Moises A. da Silva hatete, prezensa Embaixador Sahat Sitorus ho nia espoza iha TL durante tinan 4 resin, fo mahon ba sidadaun Indonezia iha nasaun TL.

Espera katak, servisu hamutuk Embaixador Sahat Sitorus ho sidadaun Indonezia, neebe lao diak tebes durante tinan 4 resin nia laran, kontinua lao nafatin ho Embaixador Indonezia foun ba TL ,neebe sei mai iha tempu badak nia laran. Nia mos husu sarani sira reza ba Embaixador Sahat Sitorus ho nia espoza fila fali ba Indonezia ho saudavel.

Entretantu, Xefe Oikumene WNI Kristaun iha TL, Eben Rifqy Taufan Sitopu hatete, nia sente kontente, tanba atividade Oikumene lao fila fali depois hetan suspensaun besik tinan ida resin tanba Covid-19.

“Hau hato’o agradese wain ba xefe komunidade sira nia esforsu tomak, hodi realiza atividade Oikumene nee. Karik situasaun normaliza fila fali husi Covid-19, atividade Oikumene halao hanesan baibain,” dehan Eben.

Atividade Oikumene iha tempu oin mai, responsabilidade husi grupu Batak Diak Los, neebe xefia husi Robert Pangaribuan. Oikumene oin mai sei halao hamutuk ho Embaixador Indonezia foun ba TL, neebe sei mai iha tempu badak nia laran.

Iha biban nee, Embaixador Sahat Sitorus ho nia espoza hato’o agradese wain ba sidadaun Indonezia iha TL, neebe hamahan iha grupu BDTL, K3TL, KEMMA, Ibu-Ibu Elisabeth Taibessi no FLOBAMORA, tanba durante tinan 4 resin nia laran halao misaun diplomasia iha TL hetan apoiu makaas husi sidadaun Indonezia.

“Hau sente kontente, tanba hau nia servisu nuudar Embaixador sente kmaan, tanba hetan apoiu husi komunidade Indonezia nomos governu no komunidade TL. Ami mesak la bele. Ho imi nia ajuda ba servisu neebe diplomata Indonesia halao iha KBRI Dili kmaan los. Tanba nee, dala ida tan hau hato’o agradese,” katak Embaixador Sahat Sitorus.

Embaixador Sahat Sitorus husu ba sidadaun Indonezia iha TL, atu hametin nafatin servisu hamutuk ho Embaixador foun, no diplomata sira neebe halao diplomasia iha KBRI Dili. Nia mos husu ba sidadaun Indonezia atu kumpre lei TL no Indonezia nian neebe vigora, nunee hadook an husi problema sira.

Antes husik TL, Embaixador Sahat Sitorus mos despedida ho Primeiru Ministru (PM) Taur Matan Ruak, Prezidente Republika, Francisco Guterres Lu Olo no Prezidente Parlamentu Nasional, Aniceto Longuinhos Guterres no lideransa TL seluk – seluk tan.*

Reportajen: Yulius Ora/Mikael Mali  Mau

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...