EMA idak-idak soi ho talentu espesial. Balun hakarak sai doutor, profesor/a, funsionariu estadu, polisia, militar, jornalista no seluk-seluk tan. Ho talentu nee, ema idak-idak bele determina ninia futuru. Ema barak iha mehi atu sai militar, maibe dala barak to’o iha teste fiziku falha no to’o ikus ninia mehi atu sai militar la realiza.
Carme Mendonca de Andrade, Timor oan husi Postu Administrativu Remixio, Munisipiu Aileu, dezde sei kiik iha mehi atu sai militar. Maibe, tamba nia kaben sedu, nia mehi nee foin realiza depois forma uma kain.
Iha tinan 2011, hahu loke konkursu publiku ba rekrutamentu soldadu foun iha Timor Leste. Carme mos hahu aplika formulariu ba iha rekrutamentu nee.
Iha momentu neeba nia lori deit diploma eskola Pre-Primaria nian, tanba nia kaben sedu la konsege kontinua nia estudu iha eskola pre-sekundariu no eskola sekundariu. Tamba nee, bainhira nia aplika formulariu nee nia la garante atu liu. Maibe, ho grasa Maromak, nia naran mos sai iha lista rekrutamentu nee.
Kontinua ba pajina 2
