DILI, STLNEWS.CO – Reprezentante Santa Se iha Timor Leste (TL) hasoru malu ho Ministru Justisa, hodi koalia konaba akordu konkordata neebe selebra ona.
“Objetivu reuniaun ho sua santidade nia reprezentante husi Vatikanu, reprezenta estadu ho Sante Se iha nee, koalia konaba kontinuasaun implementasaun ba akordu konkordata, neebe Estadu TL selebra ona ho estadu Vatikanu,” dehan Ministru Justisa, Tiago Amaral Sarmento ba jornalista sira iha Kaikoli, Kuarta nee (21/04/2022).
Nia hatutan, konkordata neebe publika no promulga ona iha jornal da republika, oras nee daudaun iha ona implementasaun, tanba governu fo ona subsidiu ba iha parte igreja, maibe implementasaun iha artigu balu neebe presiza diskusaun, ho ministeriu relevante liu-liu Ministru Justisa atu aplika artigu balu iha konkordata nee nia laran ho lalais.
Tanba kestaun balu aktu konstrutivu ba ezistensia sira nia organizasaun, ezistensia kreda katolika ba dioseze parokia no relijioza sira.
Iha fatin hanesan, MSGR Marco Sprizzi dehan, hasoru Ministru atu koalia konaba implementasaun konkordata.
“Objetivu hasoru Ministru Justisa halao enkontru konaba implementasaun konkorda entre TL no Santa Se Vatikanu,” dehan Marco.
Nia hatutan, konkordata hanesan akordu ida neebe foin asina iha tinan 2015, neebe hetan ratifika husi Parlamentu Nasional Timor Leste.
(ter)