Restaurasaun Independensia Ba Dala 19; Implementa SS – KO Povu Lasente Moris Iha Liberdade

DILI, STLNEWS co – Loron restaurasaun independensia ba dala 19, governu implementa serka sanitaria (SS) no konfinamentu obrigatoriu (KO) povu la sente moris iha liberdade nia laran.

Tuir Diretor Ezekutivu Asosiasaun Halibur Defisiensia Matan Timor-Leste (AHDMTL), Gaspar Afonso hatete, aban loron 20 de Maiu importante tebes ba povu timor-leste tanba nee restaurasaun aban halo ba dala 19, maibe hanesan sidadaun ka aktivista no jerasaun foun ida, ita sente ladun furak, tanba iha implementasaun SS no KO.

“Hau nia observasaun ka akompaniamentu nee ita nia dezenvovimentu foin too iha 60%, tanba iha tinan tolu ikus mai nee dezenvolvimentu sei lalao ho diak, satan agora dadaun ita implementa EE ba 13 no SS – KO dala 3 ka 4 ona, povu sente lamoris iha liberdade, konfortavel no saudavel nia laran, tanba povu barak infrenta hamlaha,” dehan nia ba STL iha Suku Bairru-Pite, Kuarta (19/05/2021).

Nia dehan, aban loron importante teb-tebes ba ita hotu, husi rai uluk too rai ikun, tasi feto no mane, tanba nee ita laselebra maibe ita hotu halo reflesaun ba loron restaurasaun independensia oinsa kontinua ba oin.

Nia esplika, liu-liu ba ukun nain sira ka sira neebe kaer governu, ho loron ida aban tenke halo reflesaun, para oinsa kore povu husi pobreza entermus de aspetu hot-hotu hanesan edukasaun, saude agrikultor, infraestrutura no sira seluk.

“Tanba nee mak hau hanesan ema aktivista ka ema ho defisiensia matan, hau hakarak ezije makas ba ukun nain sira atu labele retorika deit, maibe tenke tau iha pratika oinsa dezenvolve. Tanba dadaun nee ita hasoru situasaun rua ka tolu iha ita nia rai hanesan EE, inimigu invizivel (Covid-19) no nai ulun sira l alolo liman ba malu,” nia tenik.

Nia husu ba nai ulun sira, para ona konta hela historia funu nian, ita la nega, maibe herois sira neebe maka laiha rate, sira nunka konta ka hatudu aan katak sira maka terus liu, tanba nee maka husu ba nain ulun sira karik iha plenaria koalia sukat ibun para labele kondena povu, tanba loron restaurasaun independensia importante.

Iha fatin hanesan Xefe Suku Bairru-Pite João Baptista da Costa Belo dehan, aban dia 20 de Maiu ita selebra loron prestasaun independensia ba dala 19.

“Ita hotu hatene katak tanba saida maka loron ida nee labele realiza hanesan tinan kotuk liu ba, tanba ita hasoru problema boot rua hanesan Covid-19, nee hanesan uluk ita nia nasaun ukun aan, maluk sira mate barak iha momentu neeba hasoru kolonialismu Indonezia,” nia akresenta.*

Reportajen: Blandina Mauno/Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: