Rezolve Problema BTL,EP., Funsionariu DGAS Sorumutu Ho DGAF

DILI, STLNEWS.co – Funsionariu permanente no kontratadu husi Diresaun Geral Agua e Saneamentu (DGAS) hamutuk 225 hasoru malu ho Diretur Geral Administrasaun Financas (DGAF) Ministeriu Obras Publicas (MOP) iha edifisiu DGAF nian hodi koalia konaba problema neebe mosu husi BTL,EP. ho DGAS.

“Ohin loron 01 fulan Jullu 2021, funsionariu permanente no kontratadu husi parte rua nee hasoru malu hodi koalia konaba problema neebe mosu husi BTL,EP. ho DGAS nian nee sei promete atu solusiona problema neebe iha ho Ministru MOP nian,” lia hirak nee hatoo husi Diretor Geral Administrasaun Financas DGAF MOP, Januario Barbosa ba jornalista sira iha edifisiu DGAF Caicoli, Kinta (01/07/2021).

Nunee mos liafuan husi Inspektorat MOP, Elio ho representante funsionariu publiku husi DGAS, Gregorio de Araujo, hanesan Diretor Geral DGAS sesante informa ba DGAF no Inspektor Jeral MOP atu funsiona DGAS tuir Dekreitu Lei No. 50/2020 konaba Organika Ministeriu Obras Publicas neebe mensiona funsiunamentu DGAS nuudar instituisaun neebe responsabelidade direta ba Governu no BTL,EP. nuudar orgaun indireta ba Governu.

No husu ba Diretor Geral Administrasaun Financas atu reativa funsionamentu Servisu DGAS nian, no BTL,EP. buka edifisiu seluk hodi halao nia knaar.

Aleinde nee reprezentante funsionariu kontratadu, Juliao mos reklama sira nia kontinualidade funsionamentu servisu iha DGAS, tanba durante tinan 5 too 10 sira servisu ona iha parte bee mos.

Tanba hapara kontratu ba sira hanesan hamate sira nia uma kain no futuru sira nia Oan. Tanba nee husu atu MOP rezolve asuntu nee.

Funsionariu permanente sira mos ezije katak sira servisu kedas husi Primeiru Governu too VIII Governu konstitusional neebe iha ona esperensia lubuk ida, hetan formasaun husi Governu no ajensia internasional sira hodi halao servisu nee ba oin tanba nee sira la konkorda atu destaka sira ba ministeriu seluk.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: