Rezultadu Atendimentu RE-ABD Iha Diaspora Hamutuk 367

DILI, STLNEWS.co Rezultadu Atendimentu Resensiamentu Eleitoral no Atualizasaun Baze Dadus (RE- ABD) iha diaspora ba preparasaun Eleisaun Prezidensial tinan 2022, iha nasaun tolu Portugal, Corea do Sul no Reinu Unidu hamutuk 367.

Liu husi konferensia imprensa Diretor Jeral Servisu Tekniku Administrasaun Eleitoral (STAE) Acilino Manuel Branco hatete, Ministeriu Negosiu Estranjeiru no Koperasaun (MNEK) hamutuk ho Ministeriu Justisa liu husi servisu notariadu, no Ministeriu Administrasaun Estatal no Sekretariadu Tekniku Administrasaun Eleitoral halo hela preparasaun hodi  hasoru Eleisaun Prezidensial tinan 2022, liu – liu iha diaspora.

“Atividade preparasaun neebe importante mak resensiamentu eleitoral no mos aktualizasaun baze de dadus, neebe mak iha nivel teritoriu nasional halao diak tebes ho progresu ida neebe diak, nunee mos resensiamentu aktualizasaun baze de dadus tuir rezolusaun governu 105/2021, neebe aprova hodi halao mos aktus importante ida nee iha rai liur,” dehan nia ba jornalita iha MNEK, Pante Kelapa, Dili, Kinta nee (14/10/2021).

Tuir rezultadu husi atendimentu resensiamentu eleitoral no atualizasaun baze de dadus (RE- ABD), neebe mak STAE halao iha diaspora iha loron 13 fulan Outobru tinan 2021, iha Portugal eleitor foun 1, eleitor neebe mak aktualiza 19, iha Coreia do sul eleitor foun 3, eleitor neebe mak aktualiza 289, iha Reinu unidu eleitor foun 12, eleitor neebe mak aktualiza 43, total eleitor neebe rejistu foun no atualiza hamutuk 367.*

Reportajen: Santina Castro

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...