DILI, STLNEWS.co – Rona rezultadu eleisaun prezidensial segundu ronde sai, karik Ramos Horta eleitu, aban bainrua buka kedas halo dialogu, hodi haree ba violasaun konstituisaun no rejimentu parlamentu, inklui haree governu agora, VIII Governu ka IX Governu.
Deklarasaun nee hatoo husi Kandidatu Prezidente Republika (PR) José Ramos Horta, bainhira ezerse direitu de votus iha Sentru Votasaun Sede Suku Metiaut, Tersa nee (19/04/2022).
Nia katak, prioridade laos atu disolve parlamentu, maibe prioridade mak oinsa atu hadia tiha violasaun konstituisaun no rejimentu parlamentu rasik, atu oinsa hadia parte neebe la koresponde ba regras no lei sira.
“Neebe konaba formasaun governu nee, VIII Governu ou IX Governu ona, se IX Governu, se mak lidera, se mak hola parte, nunee halo tuir diálogu ho partidu sira hotu, inklui FRETILIN, PLP no KHUNTO, tanba sira mak hola parte iha governu agora, atu nunee bele hetan solusaun diak ba rai ida nee, no fo kapasidade ba governu ida nee halo jestaun ba krizi ekonomia sosial,” informa Horta.
Kontinua ba pajina 2