RFTL Realiza Workshop

Redi Feto Timor Leste realiza workshop ho tema hau mak jerasaun ba igualdade no defende justisa, ho objetivu hasae konsensia joven feto no mane nuudar autor ba promove justisa dame no igualidade neebe mak inklusivu. (Foto: STL/Emerenciana Pinto)

BAUCAU, STLNEWS.co – Redi Feto Timor Leste realiza workshop ho tema hau mak jerasaun ba igualdade no defende justisa, ho objetivu hasae konsensia joven feto no mane nuudar autor ba promove justisa dame no igualidade neebe mak inklusivu.

Bainhira remata eventu nee Prezidente Redi Feto Yasinta Lusina ba jornalista iha salaun Uma Dame Watulete, Sesta (18/12/2020) hatete realiza eventu nee oinsa mak tau hanoin hamutuk oinsa mak muda sosiedade sira nia hanoin defende direitu feto no diteitu humanus.

“Durante 16 dias kampana entaun iha nivel munisipiu ita foin konsege realiza iha munisipiu rua nee mak iha munisipiu aileu no ohin loron iha munisipiu baukau oinsa atu hamutuk ho foinsae sira no ita nia juventude sira tauk hamutuk ita nia forsa sira hanoin sira atu oinsa atu halo asaun neebe mak bele muda ita nia sosiadade, oinsa kontinua defende direitu feto defende direitus humanus no mos oinsa atu lori igualdade atinji igualdade neebe mak ita hotu hotu hakarak” hehan Prezidente Konsellu Redi Feto.

Prezidente Konsellu Redi Feto hateten aktividade diskusaun publiku nee halao ho foinsae sira no mos konvida orador importante sira hanesan PDHJ neebe mak servisu promove direitus humanus no mos ativista mane sira neebe mos luta defende direitu feto no oinsa luta ba igualdade generu.

Prezidente Board hateten esperansa boot husi Redi Feto Timor Leste ho ninian membru sira katak ba asaun sira neebe mak ba oin labele hanoin katak servisu ida nee ema ida nian ka grupu ida nian ou individual ida nian maibe hotu hotu tenke simu responsabilidade oinsa atu kontribui kria kondisaun ida neebe harmonia paz estabilidade liu liu ba asaun individual ida nian neebe mak atu bele tulun ba iha proteze direitu feto nian no mos defende direitus humanus.

Lider Redi Feto nee hatutan kolia kona ba progresu servisu neebe mak Redi Feto halo haree iha ona progresu lubuk ida neebe mak atinji ona oinsa atu haforsa partisipasaun feto no mos oinsa atu promove direitu feto nian.

“Ita haree katak iha lei lubuk ida neebe mak ita nia estadu mos aprova ona liu liu atu ba iha garanti direitu feto nian no mos partusipasaun feto nian, seluk ita bele haree mos liu liu ba iha partisipasaun feto iha nivel foti dezisaun, ita haree tok membru feto nian ba iha partidu politiku sira no mos feto sira asume kargu importante sira iha publiku liu liu ita hatene katak ita timor leste sai hanesan nasaun neebe mak iha numero feto neebe boot iha parlamentu nasional mudansa sira nee, hau fiar katak ema hotu hotu hatene kontribuisaun no luta makaas neebe mak feto iha timor oinsa atu bele fo nafatin oportunidade feto sira atu bele iha neeba” dehan yasinta.

Yasinta hateten relasiona ho numeru violensia kona ba feto neebe mak kontinua ezisti sei sai hanesan preukupasaun tenke hareee iha lei kontra violensia domestika iha mos lei oi-oin neebe mak oinsa atu garante ida nee, maibe hatene katak uluk ema kuandu hareee katak violensia nee dala ruma sira taka sira subar sira laen korajen atu koalia sai maibe agora dadaun wainhira iha lei iha ona aktividade oin-oin hodi mos siensebliza edukasaun ba ema bara-barak.

Prezidente Konsellu Redi Feto nee hatutan iha tinan 2019 Redi Feto halao kongresu nasional feto nasional timor leste neebe mak halibur ideas hanoin prekupasoens neebe mak husi inan feto hotu hotu iha nivel munisipiu iha nivel postu suku too aldeia, hahu ho konferensia nasional depois lori ba iha kongresu nasional no hamosu plata forma de asaun.

Yasinta hateten resultadu neebe mak husi kongresu mak sai hanesan mata dalan importante ba iha redi feto nia servisu, tamba ida nee mak lian feto nian neebe mak redi feto sei asegura hodi hetan konsiderasaun ba iha governu no ba parseiru sira no ba ema hotu hotu oinsa atu koresponde ba situasaun neebe mak maluk feto sira indentifika sai hanesan previdade atu bele mos iha tinan lima ba oin bele hareee mudansa ruma ba iha maluk feto sira nia moris.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here