Riku Soin Mundu Nian, Halo Fiar Hahu Fraku

DILI, STLNEWS.co – Ohin loron ema hotu preokupa ho riku soin mundu  nian no hadook an husi Maromak hodi sarani sira nia fiar hahu fraku, tanba moris tuir mundu neebe oferese.

Liu husi omilia Arse Bispu Metropolitana ba Arquedioseze Dili Dom Virgilio do Carmo da Silva SDB hatete, Maromak nia lia fuan kontinua haklaken, maromak nia lia fuan hahu aprende husi jentiu sira neebe haleu ema.

Dom Virgilio dehan, haree ho matan dala barak influensia iha maneira koalia no lojika neebe ema haree hanesan mos ema neebe la fiar, hanesan mos ema dehan laos sarani tan ona.

“Hahalok hirak nee mak domina demais ita nia lojika kakutak nian, atu bele hafraku fiar nian, tanba ita haree no koko koalia hanesan ema maibe laos sarani, ema neebe la hatene Maromak ida neebe ita mos la tau ona vem avemturansa sira mundu nian, haluha  ona vemturansa lalehan nian, ita tuir mak mundu neebe oferese,” lia fuan murak nee hato’o husi Dom Virgilio bainhira prezide misa iha Igreja Katedral, Domingu (05/09/2021).

Nia haktuir, oinsa hatudu seksualidade tuir ona mundu oferese nia realidade justisa, finalidade respeitu ba moris haree dadaun soe bebe hahu mosu fali ona, tempu ruma lakon ona, agora haree komesa mosu fali ona, semana hirak liu ba rona soe bebe la respeitu ba moris.

“Ita hahu haree no aprende husi ema seluk ita mos halo tuir nee, laos ona sarani ida, maibe ema neebe fiar laek neineik ita forma, ita nia prinsipiu, ita nia toman mak ida nee ona, tanba ema maioria halo hanesan nee hau mos tuir, maibe lae entaun ita mos rame – rame halo tuir, depende ba hau nia konsiensia, la depende ba hau nia moral hau nia fiar, la sai sasukat  hanesan sasukat neebe los,” afirma Arse Bispu nee.

Tuir obervasaun STL iha terenu, Parokia Sao Jose Aimutin Domingu nee igreja taka laiha misa, tanba tuir desizaun governu neebe fo sai liu husi reniaun Konsellu Ministru. Entretantu iha fatin seluk hanesan iha Igreja Maria Auxiliadora misa dader lao hanesan baibain, no Domingu misa dala rua iha tuku 6:00 no tuku 7:00 OTL. Iha Kapela Tasi Tolu misa Domingu dader hanesan baibain, maibe nafatin tuir protokolu.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: