RNDJK Husu Autorizasaun PNTL Demo Hasoru PR

DILI, STLNEWS.co – Porta-voz Grupu Rezistensia Nasional Defende Justisa Konstituisaun Republika Demokratika Timor-Leste (RNDJK), Angela Freitas, halao enkontru ho Komandante Operasaun PNTL Superintendente Xefe Pedro Belo, hodi husu autorizasaun, nune’e RNDJK ho nia ekipa atu halo demonstrasaun kontra Prezidente Republika Francisco Guteres Lú-Olo.

Porta-voz Komando Jeral Polisia Nasional Timor-Leste (PNTL) Superintendente Xefe Arnaldo Araujo, hato’o kestaun ne’e ba jornalista sira iha nia knaar fatin Komjer Dili, Segunda, (24/08/2020).

Nia dehan, hakarak informa deit katak ohin dia 24 de Agostus 2020, iha grupu movimentu ne’ebé mak xefia husi Angela Freitas, mai halo enkontru ho komandante operasaun, ho nia ekipa ne’ebé mak halao iha salaun enkontru koalia konaba sira atu halo asaun pasifiku ida.

“Maibe iha enkontru ne’e seidauk iha konkordansia ba malu, tanba deit sira seidauk prinse rekezitus balun, depois sira sei muda fali data ba fali dia 4 de Setembru, depois ida ne’e sira sei priense nafatin rekejutus balun se karik sira la prinese sei hadia nafatin,” dehan nia.

Rekezitus sira ne’ebé seidauk priense mak hanesan fatin, konaba sira nia movimentu ema konsentrasaun iha fatin hanesan iha Becusse, Tasitolu, no ida ne’e sira sei koalia fali tan para oinsa sira bele kumpri rekezitus hirak ne’e, nune’e sira bele halo sira nia asaun.

Karik ida ne’e sira la kumpri, PNTL sei la autoriza sira atu halo demonstrasaun ida ne’e, no sei hein fali enkontru tuir mai mak sira sei koalia konaba ida ne’e.

“Ohin iha informasaun balun katak sira sei mai ho sira nia ema barak, tamba ne’e mak ita sei hare’e tok, no liuliu mak rekezitus sira ne’e, presiza priense hodi koloka lolos, entaun polisia bele autoriza, maibe sira mos tenki kumpri lei numeru 1, nune’e sira bele halo sira nia movimentu kualker saida deit, ka asaun pasifiku,ou demonstrasaun, maibe sira mos tenki kumpri lei artigu numeru 5, ne’ebé hakarek ona, hau hanoin sira la kumpri mak PNTL sei la autoriza sira,” dehan nia.

Kontinua ba pagina 2

LEAVE A REPLY

Please enter your comment!
Please enter your name here