Ro Success La Halo Operasaun Oecusse-Atauro

Vogal 1 Aportil, Jose Madeira Marques. (Foto: STL/Jacinta Sequeira)

DILI, STLNEWS.co – Ro Success seidauk tula pasajeirus halo operasaun husi Dili ba Oecusse no Atauro, tanba iha Oecusse implementa lockdown too fulan Fevereiru.

Vogal 1 Aportil, Jose Madeira Marques hatete, iha Oecusse lockdwon too fulan Fevereiru ro Success diak hela, agora iha mos planu atu ba dokin, neebe sei haree kondisaun ida agora nee, maski ro kondisaun diak, maibe realidade iha TL inklui Oecusse, too agora sei lockdwon entaun ro mos labele ba.

“Ita prepara kondisaun servisu hamutuk ho entidades tomak iha nee, inklui regulator sira, ami nia ekipa sempre halo kordenasaun ho ro nain sira, para sei desidi otomatikamente ro labele halai, tanba seidauk iha despaisu ruma, se iha lockdwon ro labele ba too iha neeba, ro nee bainhira lockdwon nee remata mak foin halo viajem,” dehan Jose ba STL iha portu Dili, Kinta (07/01/2021).

Nia dehan, agora dadaun ro Success sei para hela, bainhira ro nee atu halo viazem, presiza hetan despaisu ruma, maibe dadaun nee seidauk bele tula pasajeirus halo viajen ba fatin rua neebe ohin mensiona.*

Reportajen: Jacinta Sequeira/Madalena Horta
Editor: Ekipa STL

LEAVE A REPLY

Please enter your comment!
Please enter your name here