Ro Tula Sasan Atraka Iha Portu

- Ro tula sasan importasaun, neebe mai husi nasaun Indonezia (Surabaya-red), atraka ona iha portu Dili. (Foto: STL/Jacinta Sequeira)

DILI, STLNEWS.co – Ro tula sasan importasaun, neebe mai husi nasaun Indonezia (Surabaya-red), atraka ona iha portu Dili.

Vogal 1 APORTIL, Jose Madeira Marqueshatete, hafoin aplikasaun EE iha faze dala sia, inisiu fulan Janeiru 2021 horseik ro foin ida tama mai no agora dadaun atraka hela iha portu Dili. R nee mai husi Surabaya Indonezia, tula sasan oi-oin hanesan nesesidade baziku, material konstruksaun no seluk tan.

“Ita haree dadaun agora roo ida mak atraka hela iha nee ba, maibe ro ida seluk mak desde iha tinan tuan too agora seidauk sai, ida seluk horiseik foin tama,” dehan Jose ba STL, iha nia knaar fatin Portu, Dili, Kinta (07/01/2021).

Nia esplika relasiona ho Covid-19, iha fulan Janeiru tantu kompara ho tinan uluk automatikamente volume nee tun, maibe sasan neebe tama mai nee prioridade liu mak nesesidade baziku, tanba realidade neebe iha husi kompania sira prepara kondisaun hatama sasan relasiona ho kondisaun TL nian.

Jose hatutan, maski dadaun nee iha faze EE nian laran, maibe atuvidades portu Dili kontinua lao hanesan bai-bain, tanba traballador sira kada loron tama servisu hanesan bain-bain, maibe nafatin prevene aan ba covid-19.

“Agora ita tama EE dala sia, maibe portu mos loke no halo ninia atividades hanesan bai-bain, sekuandu iha despaisu ruma foin mak ita haree fali ida nee, traballador servisu hanesan bai-bain, maibe tanba kondisaun agora nee sei iha Covid-19, tanba nee sira bele mai servisu, maibe obrigatoriu tenke uza maskra,atu nunee prevene moras aat ida nee, labele daet fali ba ema seluk,inklui halo inspeksaun ba roo,” dehan nia.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here