Rogerio: Segunda Volta Hau Apoiu JRH

DILI, STLNEWS.co – Kandidatu Prezidente Republika (PR) primeiru ronde, Rogerio Lobato hatete, iha votasaun segunda volta nee, nia parte apoia makaas ba iha Jose Ramos Horta (JRH).

“Imi hatene katak durante segunda ronde nee hau apoia se, hau la apoia ba maun Xanana, maibe apoia ba Jose Ramos Horta, tanba nee hau konteti mai iha nee hodi partisipa iha eleisaun nee,” dehan nia ba STL iha sentru votasaun Eskola Primaria 05 Kampun Baru, Komoro, Tersa nee (19/04/2022).

Nia afirma, no mos haree iha eleisaun segunda volta nee buat hotu lao diak no hakmatek, mezmu iha isu barak-barak dehan katak, ema ho kilat no buat sira nee hotu.

“Hau rasik haree iha nee katak, buat hotu lao ho diak no hau apela ba ema hotu labele tauk hodi bele mai ezerse sira nia direitu atu vota hodi hili kandidatura sese dei, nee sira nia diretu, no hau senti katak, se deit maka menan tenki respeita votu povu nian, ida nee maka ita hotu nia PR,” tenik nia.

Nia tenik, iha segunda volta apoia makaas Jose Ramos Horta, tanba husi kedan 1974-1975, hahu kedas prosesu ida nee “ami sira nee maka sempre lao hamutuk no hau nunka bele husik nia mesak no hau fiar katak, karik nia sai PR nia bele hakoak ema hotu no sei halo ema hotu hamutuk no lori la lais dezenvolvimentu mai ita nia rai, povu labele hein hela deit tinan ba tinan atu moris diak, maibe adia hela deit,” hatutan nia.

(dom)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...