Rohan 2021 Tenke Destaka F-FDTL Iha Fronteira

DILI, STLNEWS.co – Ministru Defeza (MD) Filomeno Paixao de Jesus hatete, tinan 2021 remata tenke destaka ona Falintil-Forsa Defeza Timor Leste (F-FDTL) ba iha lina fronteira entre Timor Leste ho Indonesia, tanba prosesu sira Ministeriu Defeza finaliza ona.

“Atu muda forsa ba iha fronteira dadaun nee iha ona estudu nia laran no finalizadu ona, no hau labele dehan komesa bainhira maibe espera fim do anu nee ita bele muda ona F-FDTL ba iha fronteira,” dehan Ministru Defeza (MD) Filomeno Paixao de Jesus iha edifisiu Ministeriu Finansas, Aitarak- Laran, Dili, Segunda (06/09/2021).

Nia dehan, iha konseitu diskute ministeriu nian la iha hanoin atu elimina Unidade Patrollamentu Fonteira iha lina fronteira, tanba F-FDTL ho PNTL iha kooperasaun boot ida entre instituisaun rua nee, maibe buat hotu depende ba konstituisaun mak haruka.

“Simplesmente ita fila fali ba mandatu konstituisional ba iha F-FDTL katak, forsa mak sai hanesan seguransa ba nasaun laos PNTL, tanba PNTL haree liu ba seguransa rai laran hanesan orden publiku,” dehan nia.

Antes nee Primeiru Ministru (PM) no Ministru Interior (MI) Taur Matan Ruak hateten, halao ona diskute ho Prezidente Republika (PR) Fransisco Guterres Lú Olo” hodi kolia kona ba iha futuru mai F-FDT  mak sei substitui fali UPF asegura fronteira terrestre ho nasaun vizinu Indonezia.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: