RONETIL Husu Feto Nafatin Prontu Luta Ba DN

DILI, STLNEWS.co – Rede Observasaun Nasional Eleisoens Timor Leste (RONETIL) husu feto sira hotu nafatin prepara an ho kapasidade, no prontu luta ba iha prosesu dezenvolvimentu nasional.

Kestaun nee hato’o husi Konsellu Fundador RONETIL, Laurentino Alves ba STL liu husi telefone, Tersa (07/09/2021).

“RONETIL nia mensajen mak husu ba maluk feto foin sae Timor-Leste hotu, tenke prontu iha kualker tempu hodi nafatin luta ba dezenvolve partisipasaun maluk feto sira nian iha konseitu dezenvolvementu Estadu Direitu Demokratiku,” dehan nia.

Laurentino dehan, klaru iha Konstituisaun Republika Demokratika Timor Leste (K-RDTL) nee la bandu feto nia involvimentu iha vida politiku, proporsionalidade politiku mos fo 30% ba involvimentu feto iha palku politika, tanba nee sei sai maduru liu tan iha futuru.

Nia hatutan, ho esperansa atu servisu ba interese estadu nee RONETL fiar katak, bainhira feto ukun ho esperiensia ho matenek neebe maduru liu, sei bele hatudu kualidade ukun da diak liu, no sei husik hela mensajen furak ba Estadu Direitu Demokratiku Timor Leste.

Nunee mos Eis Prezidente Rede Feto, Judite Dias Ximenes mos hatutan, Konstituisaun RDTL iha artigu 16 no 17 hatete momos konaba igualidade jeneru no lei mos garante katak, feto bele partisipa iha kualker atividade, tanba nee mak husu feto sira tenke esforsu hodi makaas iha prosesu dezenvolvimentu nasional*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: