DILI, STLNEWS.co – Rede Observador Nasional Eleisoens Timor Leste (RONETIL) husu Prezidente Republika (PR) eleitu, Jose Ramos Horta nafatin iha vontade atu halo dialogu.
Kestaun nee hatoo husi Fundador RONETIL, Laurentino Alves ba STL liu husi telefone, Tersa nee (26/04/2022).
Nia hatete, tuir observasaun neebe mak sira hetan, depois de eleisaun iha loron 19 fulan Abril iha bairru balun mosu barrulha, tanba nee husu PR foun nafatin promove dialogu.
Fundador RONETIL nee hatutan, depois eleisaun liu, iha minutu balu akontese diferentes too akontese baralha iha bairr balu, nee situasaun mak la espera, nunee husu ba juventude hotu – hotu tenki fo liman ba malu, para hodi rezolve problema ho ulun malirin, labele halo asaun kontra atake ba malu.
Nunee mos Diretor Fundasaun Haburas Moris, Emerenciana Nipo afirma, eleisaun hotu agora ukun nain sira hamutuk ho prezidente eleitu Jose Ramos Horta, hamutuk atu bele dezenvolve nasaun nee ba oin.
Dialogu nee importante, husu lider rezistensia sira fo liman ba malu atu hatudu hela ezemplu diak ba jerasaun foun sira.
(eme)
