Roo UPM Kuaze La Funsiona

DILI, STLNEWS.co – Peskizador Fundasaun Mahein (FM) Sancho Xavier hatete, Unidade Polisia Maritima (UPM) durante nee ladun halao servisu ho diak, tanba kestaun roo neebe sira iha kuaze tinan ida la funsiona ba sira atu halo servisu.

Haktuir Sancho Xavier ba jornalista sira iha nia knaar fatin Bairo de Grilhos, Dili, Segunda nee (11/10/2021).

“Liga ho kondisaun UPM sira iha tasi nian, liu – liu ba Unidade Polisia Maritima UPM nian nee, i kondisaun nee grave tebes, laos foin fulan haat mak roo sira nee avaria, maibe roo sira nee kuaze tinan ida ona, roo la funsiona ho diak,” dehan nia.

Nia dehan, se la sala hela deit roo ida ou rua deit mak dadaun nee halo operasaun iha tasi, i roo kiik oan sira nee lansa mak agora halo atividade kuaze iha portu sira, neebe UPM sira koloka ba nee kuaze laiha kondisaun.

Nia hatete, barak liu membru sira iha postu sira nee ladun halo knaar, tanba sira nia knaar importante mak kontrolu tasi nee, agora oinsa mak sira bele halo sira nia knaar nee ho diak, i meius nee importante, liu – liu oinsa roo nee atu fasilita sira.

Antes nee Komandante UPM, Superintendente Polisia  Basilio de Jesus hatete, dadaun nee roo tolu (3), kompostu husi Roo NKRN Kayrala, Lusitania, no lansa kiik rua iha Unidade Polisia Maritima (UPM), maioria ho kondisaun aat i grave, nunee obrigatoriu UPM tenke halao servisu ho lao ain deit iha tasi ninin.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...