KANTADORA Herlin Pirena iha nia Album ho titlu “Pujilah Tuhan Hai Jiwaku” neebe fosai iha tinan 2017, ho lirik tuir mai nee:
Hidup ini adalah kesempatan
Hidup ini untuk melayani Tuhan
Jangan sia-siakan waktu yang Tuhan beri
Hidup ini hanya sementara
Oh Tuhan, pakailah hidupku
Selagi aku masih kuat
Suatu saat aku tak berdaya
Hidup ini sudah jadi berkat
Lirik kanta ida nee relevante ho Avo Rosa da Silva Sarmento nia jornada moris iha Timor Leste ho memoria neebe barak. To’o tinan 92, Rosa Sarmento iha oan nain 16, bei-oan 60, bisnetos ka cici 60.
Liu husi rubrika ida nee, hakerek nain hakarak fo konhese Rosa da Silva Sarmento neebe selebra nia tinan moris ba dala 92 (13 Maiu 1930-13 Maiu 2022).
Avo Rosa moris iha loron neebe Uma Kreda Katoliku iha mundu rai klaran selebra aparisaun Nain Feto iha Fatima, Portugal, loron 13 fulan Maiu. Iha loron 13 Maiu tinan 1930, tempu Malae Mutin nia ukun, Rosa da Silva Sarmento moris iha Laklubar, Munisipiu Manatuto. Nia nudar oan dahuluk husi aifuan domin Joaquim Soares (matebian) no Josefa Soares (matebian) neebe foin harii uma kain foun nakonu ho ksolok no domin momentu neeba. Nunee iha loron 13 Maiu tinan 2022, inan husi oan nain 16 kompleta ona tinan 92. Rosa da Silva Sarmento nia naran jentiu Daulou ou Kadauk. Nia aman nia naran jentiu mak Beresina. Avôs paternos husi Bobonaro naran Lisu-Mau no Soi-Uru. nia inan nia naran jentiu Buinahak, Avôs maternos husi Laklúbar naran Lakuduan (avô Lakuk) no Lihu Roman (avó Lihuk).
Kontinua ba pajina 2
