Sai Ema Diak Presiza Halakon Erru Loko An

DILI, STLNEWS.co – Sai ema diak presiza halakon erru loko an, tanba tendensia ema nia fasil atu buka ema seluk nia frakeza, duke haree limitasaun nia an rasik.

Kestaun nee hato’o husi Padre Richardo Pasang SVD ba STL Sesta (10/09/2021) hatete, tendensia ida husi ema mak fasil atu buka hodi hetan ema nia frakeza no limitasaun ema seluk, duke buka hodi hetan nia frakeza no limitasaun rasik.

Padre hatete, tendensia ida nee ladun furak, tanba tendensia ida nee bele lori ema sai loko an no fasil julga ema seluk (hatun ema seluk).

“Jesus iha evanjellu ohin loron husu ita atu barani haree ita nia an no halakon ita nia hanoin erru sira, no ladun diak iha ita nia an. Tanba ita hotu iha mos ai kabelak hanesan loko-an, rai odi, laran moras ba ema seluk, gosta obriga nia ideas, gosta bosok, hatun ema seluk, la honestia, etc. Ai-kabelak sira nee mak taka ita nia matan, la bele haree ema seluk nia diak, honestidade, hospitalidade no sakrifisiu neebe nia hatudu ba ema seluk ou iha komunidade,” dehan nia.

Amu lulik nee hatutan, tanba nee jesus dehan “Tanba sa o haree ai-kabelak iha ema seluk nia matan, maibe ai rahun iha o nia matan, o la haree? Nee duni, Jesus husu atu ita hasai ai-kabelak sira neebe taka ita nia matan atu ita bele haree ita nia an momos hodi kuidadu ita nia an,” katak nia.

Bibi Atan Kreda Katolika nee afirma liutan, Jesus husu nee tanba dala ruma ema buka ema nia frakeza no julga ema seluk, tanba laiha siensia konaba ema seluk.

Iha biban nee Padre liu husi orasaun husu atu Nai Maromak Santisima Trindade loke ema idak-idak nia hanoin atu rekonese nia an antes haree ema seluk nia frakeza.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: