DILI, STLNEWS.co – Husi Sakramentu Batizmu ema bele hetan moris foun iha Kristu, hanesan mos Jesus moris husi mate hodi Aman nia kbiit.
Lira hirak nee hatoo husi Padre Richardo Pasang SVD ba STL liu husi telefone, Domingu (02/07/2023).
Nia hatete, refleksaun ba Domingu koalia konaba sakramentu batizmu.
“Liu husi sakramentu baptizmu ita hetan moris foun iha Kristu. Saun Paulo dehan, ita hotu neebe simu ona batizmu iha Jesus Kristu, ita simu batizmu iha nia mate, kanesan Kristu moris hias husi mate, hodi Aman nia kbiit, nunee mos ita sei lori moris foun ida,” dehan Pade.
Pe. Richardo afirma, ema mate karik ho Kristu, ema mos fiar katak sei moris hias ho Nia. Tan nee, hetan garansia salvasaun husi Jesus Kristu rasik. Konsekuensia iha ema nia moris, ema tenki-ser prontu hatudu iha nia hahalok nudar ema neebe hetan salvasaun.
“Jesus Kristu iha Evangelhu ohin loron hateten, mai ita oinsa ita nia sytle moris ou hahalok moris tenke hatudu lolos ita nia-an nuudar Kristu nia emar. Jesus dehan, ema neebe hadomi nia aman no inan liu Hau nia laos Hau nian. Ida neebe buka deit nia moris, nia sei lakon moris nee, ida neebe lakon nia moris tan Hau, nia sei hetan moris ida neebe lakon nia moris tan simu Hau, simu Ida neebe haruka Hau mai,” katak nia.
Ninia konsekuensia mak aten barani husik buat hotu rikusoin, familia no mos ema nia moris tan Jesus Kristu. Paulo fo hanoin atu lao tuir Kristu ho fiel, sei hetan salvasaun maibe tenke lao tuir totalmente.
“Orasaun Nai, ho Ita Nia tulun, Ita halo Ita oan ami moris iha naroman, keta halo ami monu fali ba nakukun laran, halo ami horik nafatin iha lialos nia roman. Ami harohan ne’e hodi Nai Jesus Kristu nia naran hamutuk iha Espiritu Santu Amin,”.
Evanjelho iha loron Domingo XIII do Tempu Komum 2 RS 4 : 8 – 11, 14 – 16 ROM 6 : 3 – 4, 8 – 11MAT 10 : 37 – 42 Nai Jesus Kristu nia Evangelho tuir Saun Mateus, “Iha tempu neeba, Jesus hateten ba Apostolu sira, Ema neebe hadomi nia aman ho inan liu Hau, nia laos Hau nian. Ida neebe la simu nia Kruz atu bele tuir Hau, nia laos Hau nian. Ida neebe buka deit nia moris, sei lakon moris nee ida neebe lakon nia moris tan simu Hau, simu Ida neebe haruka Hau mai. Ida neebe simu Profeta ida tan nia Profeta, nia sei simu kolen Profeta nian; ema nebe simu ema diak ida, tan nia ema diak, nia sei simu kolen ema diak nian. Ida neebe fo, maske we malirin kopu ida ba kiik oan sira nee ida, tan nia Hau nia Eskolante, Hau dehan tebes ba imi: nia sei lakon nia kolen.
(eme)
