Salariu US$500 Simu Subsidiu Familia, Lay: Nee Governu Mak Sala

Deputada husi Bankada CNRT Fernanda Lay, hatete, governu haruka atu ema neebe mak salariu US$500 simu ona subsisidiu familia US$200 dolar atu devolve, ida nee laos benefisiariu mak sala maibe nee governu nia sala. (Foto: STL/Donaciano Magalhães)

DILI, STLNEWS.co – Deputada husi Bankada CNRT Fernanda Lay, hatete, governu haruka atu ema neebe mak salariu US$500 simu ona subsisidiu familia US$200 dolar atu devolve, ida nee laos benefisiariu mak sala maibe nee governu nia sala.

Kestaun nee hatoo husi Deputada Bankada CNRT atual membru komisaun C trata asuntu finansas publiku, Deputada Fernanda Lay katak, kona ba subsidiu uma kain too agora problema boot, tanba hanesan akompana informasaun iha media katak bainhira sira neebe ho vensimentu US$500 kuandu lafo fila too Marsu sira sei fo formulariu atu deozita ba BNCTL, entaun sei buka tuir.

“Maibe hau nia pergunta mak nee, ba kestaun ka situasaun nee se mak sala, ema uza hotu ona osan o ba husu fali nee halo nusa, neebe sala nee loo-loos governu mak sala, laos ema neebe simu.Tuir karik ba husu sira neebe osan sei iha diak, karik laiha halo nusa.” katak Deputada Lay ba jornalista bainhira partisipa reuniaun alargada partidu CNRT iha Hotel Novo Turismo, Kuarta (23/12/2020).*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here