Salvador: Jornalista Bele Mate, Maibe Jornalizmu Sei La Mate

DILI, STLNEWS.co – Relasiona ho media dijitalizasaun neebe mak oras nee mosu lansa informasaun lais liu iha publiku duke iha televizaun no jornal, CEO Suara Timor Lorosae (STL), Salvador Januario Ximenes Soares hatete, ida nee laos fator determinante, tanba jornalista bele mate maibe jornalizmu sei la mate.

“Iha dijitalizasaun nee, iha informasaun neebe espalha barak iha media sosial neebe mak ho lalais, maibe iha ema balu neebe hanoin katak tebes ka hoax, tanba nee nudar instituisaun media tenki mantein nafatin nia kredibilidade wainhira hatoo informasaun ruma,” dehan CEO STL, Salvador, wainhira sai orador ba iha loron mundial liberdade imprensa ho tema “Jornalizmu Iha Ameasa Dijitalizasaun” iha Delta Nova, Tersa nee (03/05/2022).

Nia dehan, media jornal sira bele mate, maibe jornalizmu nee sei la mate, tanba nee nudar media oinsa mak bele ajusta dezafiu hirak nee tuir ezijensia publiku ninian.

“Ema hanoin katak wainhira mosu ona dijitalizasaun, ida nee hamate ona jornal, maibe too ohin loron jornal la mate,” tenik nia.

Nia haktuir, tuir predisaun husi matenek nain balu katak, wainhira dijitalizasaun nee mosu jornal sei eziste too deit 2045, maibe ba Timor la hatene too wainhira.

Iha fatin hanesan, Orador Husi Xefi Departamentu Komunikasaun Sosial UNTL, Dulce Martins haktuir, konteudu tuir prinsipiu jornalistiku nian, presiza atu servisu makaas husi media nain sira no mos liu-liu ba jornalista sira atu hetan formasaun neebe mak ho kualidade.

“Ami iha universidade iha ona formasaun, maibe ami labele kobre hotu, entaun formasaun nee importante tebes, nunee ita presiza duni iha formasaun ba jornalista sira atu sira bele iha konhesimentu klean liu tan, nunee bele sai familiar iha mundu dijitalizasaun,” dehan nia.

(san/eme)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...