Santissimu Vizita Sarani Sira Iha Dili

DILI, STLNEWS.co – Ohin uma kreda selebra Corpo e Sangue de Kristu, Diocese Dili lori santissimu vizita sarani sira iha sidade Dili, atu nunee hamanas nafatin sarani sira nia fiar iha situasaun defisil ida nee.

Dom Virgilio hatete, loron ohin selebra festa Corpo e Sangue do Senhor, festa Kristu futar isin no ran nia, maibe mos labele haluha katak situasaun agora iha serka sanitaria, konfinamentu obrigatoriu nia laran.

“Tinan ida nee transmisaun lokal nian, ita lahanaran prosisaun lori santissimu Jesus maka ba vizita nia sarani iha sidade Dili laran, maske labele vizita kintu kantu hotu, pelu menus lori santissimu Jesus futar isin lao husi Parokia Maria Auxiliadora Don Bosco Comoro ba too Tasi Tolu, maibe ba too iha Parokia Bedois fila fali mai termina iha Katedral, pelu menus liu sentru ida nee nia atu halo saida, fo hanoin fila fali ba sarani sira, loron ohin uma kreda tau nuudar loron importante hodi hanoin no adora Jesus futar isin no ran neebe sai aihan moris ba ita sarani,” lia fuan murak nee hatoo husi Arce Bispu Metropolitana Arquidiocese Dili, Dom Virgilio do Carmo da Silva, SDB, ba STL iha Katedral Vila Verde, Dili, Kinta (03/06/2021).

Bibi atan nee esplika labele halo prosisaun, liu dalan ida nee atu halo sarani nafatin nia obrigasaun konaba loron Corpo e Sangue do Senhor.

Jesus nia ilas no isin liu halo ema hamanas fali sira nia fuan laran, ita haree katak ohin ita liu maluk sira neebe halo servisu, halo negosiu iha dalan ninin, maibe wainhira Jesus liu sira para servisu halo sinal da cruz hakruuk, balun hakneak reza, balun tau aifuanan idak iha ninia maneira.

“Ita hakarak atu simu grasa husi nai maromak hakarak hetan diak no idak-idak halo esforsu nee maka haree katak balun hakneak, balun hamriik buat ida lakona, maibe balun halai tuir hotu-hotu hatudu katak hau presiza duni maromak, halo buat ruma atu hetan grasa ida nee,” dehan Dom Virgilio.

Entretantu sarani Lourdes Ximenes hatete, maske latuir prosisaun hanesan tinan-tinan, tanba Governu implementa serka sanitaria (SS) no konfinamentu obrigatoriu (KO) atu prevene husi moras pandemia Covid-19, maibe vontade nafatin iha dalan atu nunee santissimu liu reza atu husu tulun haraik grasa isin diak mai sarani hotu.*

Reportajen: Joaninha Belo
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: