SEFOPE – Embaixador Korea do Sul Deskute Traballador Ba Servisu Iha Korea do Sul

Sekretariu Estadu Formasaun Profesional no Empregu (SEFOPE), Alarico de Rosario. (Foto: STL/Donaciano Magalhães)

DILI, STLNEWS.co – Sekretariu Estadu Formasaun Profesional no Empregu (SEFOPE), hasoru malu ho Embaixador Korea do Sul iha Timor Leste Kim Jeong-Ho, hodi deskute konaba oinsa atu reativa traballador Timor oan neebe kontinua ba servisu iha Korea do Sul.

Sekretariu Estadu Formasaun Profesional no Empregu (SEFOPE), Alarico de Rosario hatete, durante nee ema hotu hatene katak, problema barak maka infrenta ligasaun ho traballador sira iha Korea do Sul.

“Ohin Embaixador Korea do Sul ho SEFOPE hasoru malu hodi koalia konaba ita nia traballador sira, para oinsa reativa no haruka fali Timor oan sira kontinua ba servisu iha Korea, maibe ninian progresu nee maka sei naruk,” dehan nia ba jornalista sira, iha salaun SEFOPE Caikoli, Kinta (04/03/2021).

Nia dehan, primeiru progresu ida neebe SEFOPE rezolve labele hotu maka transporte, tanba Korea do Sul ho Timor Leste nia hakarak la hanesan ida, neebe tenke hatene, tanba Korea nia hakarak nee aviaun ida neebe lori traballador sira maka tenke aviaun ida regular.

“Aviaun ida lori ba entaun aviaun ida tenke mai, maibe Timor Leste ita hotu hatene too agora ita nia transporte seidauk iha, neebe ita hotu tenke komprende ho situasaun ida hanesan nee. Ita nia hakarak ho Korea nia hakarak la hanesan ida, Korea nia hakarak aviaun aluga labele tama, maibe aviaun nee regular ba mai, ida nee maka sira hakarak,” dehan governante nee.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here