SEFOPE Ho UE Kria Formasaun

DILI, STLNEWS.oc – Ohin Sekretariu Estadu Formasaun Profesional no Empregu (SEFOPE), hasoru malu ho Uniaun Europeia (UE), hodi koalia konaba area formasaun ne’ebé mak foka liu ba iha area rurais.

Nia dehan, ohin Uniaun Europea husu atu marka audensia ida, ohin ami koalia hamutuk, no atu servisu hamutuk ba futuru entre Uniaun Europeia ho SEFOPE.

“Ligasaun ho servisu ne’ebé mak sira halo komunikasaun, liu – liu ba area formasaun, formasaun sira ne’e sei foka liu ba ba iha area rurais sira, ne’ebé mak toos nain sira hela ba, para atu ba oin ne’e identifika sentru formasaun sira, ne’ebé mak ligasaun ho area agrikultor,” lia hirak ne’e Sekretariu Estadu SEFOPE, Alarico de Rosario ba jornalista sira iha salaun SEFOPE, Caikoli, Tersa nee (28/09/2021).

Nia informa tan, ohin tuur hamutuk koalia ho Uniaun Europeia sira dehan, prontu atu apoiu no servisu hamutuk ho SEFOPE, hodi haree liu ba area formasaun nomos ba auto emprega sira ne’ebé durante ne’e SEFOPE koalia hela iha baze ne’ebá.

Nia hatutan, sentru formasaun iha Timor Leste hamutuk 229, ne’e iha sistema de dadus, iha 25 hetan akreditadu, sei rejistradu 95, 109 mak sentru komunitaria.

Iha fatin hanesan, Embaixador Uniaun Europeia iha Timor Leste, Andrew Jacobs dehan, enkontru ida ohin ho SEFOPE ne’e importante tebes, Uniaun Europeia iha hanoin ba futuru sei kopera ho SEFOPE, atu fo formasaun ba agrikultor sira.

“Ohin ami enkontru importante ho SEFOPE, ami koalia konaba programa futuru Uniaun Europea ho Timor Leste, ami agora prepara programa iha ambitu konaba rekuperasaun ekonomia, dezenvolvimentu ekonomia iha ambitu programa ne’e iha importante tebes – tebes ho nasaun profesional, ne’ebé ami komesa agora ho SEFOPE atu identifika oportunidade, hodi servisu hamutuk hodi dezenvolve setor formasaun professional,” dehan Andrew.

Nia haktuir, UE mos identifika oportunidade servisu hamutuk ho governu Timor Leste, hodi kria empregu kriasaun emprezas kiik.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...