SEFOPE Seidauk Organizadu, Halo Selesaun Ba Juventude

Reitor UNPAZ, Adolmando Soares Amaral. (Foto: STL/Blandina Mauno)

DILI, STLNEWS.co – Sekretariu Estadu Formasaun Professional no Empregu (SEFOPE) seidauk organizadu, halo selesaun hodi haruka juventude sira ba servisu iha rai liur.

Reitor Universidade da Paz (UNPAZ), Adolmando Soares Amaral hatete, bainhira haruka joven sira ba servisu iha rai seluk, tenke garante kondisaun saude mental fiziku.

Nia hatutan, halo ona kooperasaun ho nasaun nee, tenke hatene klean kona ba ema nia rekezitus nee oinsa.

“Ita haree katak SEFOPE nee laorganizadu, atu halo selasaun traballador ba Australia, sira bele organizadu iha parte seluk, maibe kontestu atu halo selesaun kona ba traballador sira atu ba servisu iha rai liur, ho sira nia rekezitus sira neebe aplika iha teste nee, sira laorganizadu,” dehan nia ba STL, iha nia knaar fatin UNPAZ, Dili, Sesta, (25/09/2020).

Nia dehan, bainhira iha regras ruma neebe nasaun refere maka lapresiza, labele inventa sasan tuun sae tanba nee presiza ema neebe saude diak, mental diak ho fiziku neebe diak, atu bele sai traballador iha ema nia rai, hasae ema nia produsaun agrikola iha neeba.

“Ita sira neebe atu haruka joven sira ba labele inventa sasan, sei bainhira ita haruka ema atu ba kuu deit aifuan, ita hare deit ba sira nia saude diak, mentalidade diak, haruka sira ba ona, lapresiza atu halo buat oioin, tanba sira ba laos atu sai militar iha ema nia ra,” nia hatete.

Adolmando esplika banhira sai membru governu ida hetan ona oportunidade atu halo politika ida, labele halo politika nee hanesan instrumentu ida, hodi koko ida nee maka lalos.*

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here