SEFOPE Sosializa Lei Traballu ba Empregador no Traballador

DILI, STLNEWS.co – Sekretariu Estadu Formasaun Profesional no Emprego (SEFOPE) sosializa lei traballu numeru 4/2012, hodi haforsa empregador, traballador no entidade relevantes sira halao iha servisu fatin.

“Objetivu husi seminariu ba lei trabalu numeru 4/2012 ida nee mak, hakarak haforsa akordu koletivu no negosiasaun Bipartida ho Tripartida iha servisu fatin, tanba durante nee servisu, Covid-19 ita ladun aproxima didiak konaba negosiasaun nian. Entaun disputa laboral neebe mak akontese nee, kuaze failla iha negosiasaun, entaun traballador tenke halai mai iha SEFOPE, maibe iha lei laran hatete katak, antes ba Tripartida, maibe prosesu tenke liu husi bipartida katak, negosiasaun entre kompania ho trabalador no akompanamentu sindikatu,” lia hirak nee hato’o husi Diretor Dirasaun Nasional Traballu SEFOPE,” Angelo dos Santos Valouso ba jornalista sira iha salaun SEFOPE, Caikoli, Kinta nee (23/09/2021).

Nia dehan, ho ida nee mak durante Covid-19 nee, sira sente ida nee hanesan preokupasaun sindikatu ba ami, nomos ba empregador sira, tanba ida nee mak ami halo seminariu ida nee, para esplika ba parte rua hotu, buat ruma naksalak iha servisu fatin, lalika mai to’o iha SEFOPE, maibe importante mak negosiasaun iha kompania entre trabalador ho empregador.

Nia hatutan, tanba problema nee mak diretu ho dever nian, se nia halao nia dever ona, klaru nia iha diretu, maibe tanba situasaun Covid-19 nee akontese, empregador la iha rendimentu atu selu ita nia traballador, tuir ninia diretu, entaun kazu nee barak mak akontese no disputa nee akontese, tanba buat diretu nee, no nia dever halo hotu ona, maibe diretu mak la tuir lei, maibe situasaun pandemia nee afeta ba traballu no empregador.

Nunee mos, Prezidente Konfederasaun Sindikatu Trballador Timor-Leste (KSTL), Almeiro Januario haktuir, sosializasaun lei traballu numeiru 4/2012 nee importante, tanba atu fo hanoin ba empregador no traballador sira konaba saida mak sira halo.

“Ita hatene, husi artigu 20 to’o 23 husi lei triballu nee dehan, dever impregador sira atu kumpre, nunee mos parte artigu balun husi lei nee koalia konaba dever traballador ninian iha servisu fatin,” haktuir nia.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...