Seguransa Area Fronteira Lamasimu

Etelvina Pinto, hanesan komunidade fo nia opiniaun bainhira halo intrevista ho STL, Kuarta (10/03/2021). (Foto: STL/Maria Tavares)

DILI, STLNEWS.co – Numeru pozitivu Covid-19 aumenta iha rai laran, tanba autoridade seguransa lahalao kontrolasaun ho masimu.

“Ami nia boot sira mak sira servisu laloos, tanba seguransa iha fronteira neeba la forsa ida, seguransa ituan deit nee maka ema ilegal sei tama hodi lori moras nee,” dehan Etelvina Pinto hanesan komunidade ba STL, iha Manleuana, Dili, Kuarta (10/03/2021).

Nia dehan, ema sira iha rai liur kontinua tama, nunee lori moras nee mai iha Timor, tanba los nee moras nee dook iha ema nia nasaun seluk neeba, maibe Timor loloos nee la kona ema ida, governu sira mak servisu laloos.

Governu deside implementa serka sanitaria iha kapital Dili, tanba bandu movimentasaun populasaun no sira hanesan negosiante halao atividade negosiu maibe laiha komprador.

“Ami koalia tanba estadu la tau matan ba povu, hanesan foin dadauk subsidiu nee balu simu balu la simu ida nee mak atividade fila liman la lao nee ami atu han hemu saida, tanba estadu tau matan mai ami laloos ida tanba ema neebe mak oan too 10 maibe simu la kompletu,” dehan nia.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here